Dibrugarh, July 6: Arunachal Pradesh-ni Tirap a·jao donggipa Deomali Forest Division-ni official-rang a·dubekraragipa a·kolo salgni ong·na am·pile jachange dongenggipa mongma bi·sako naljokataha. July jani 5 tarik attamo konta 2 mangna naljokataniko dakanio songni manderangba bang·bea dakchakanirangko on·angaha.
Forest dolrang, Range Forest Officer (RFO) Diwang Lowang-ni dilanio aro Deomali-ni Divisional Forest Officer (DFO)-ni nirokanio ia naljokataniko dakangaha, jeon forester-rang- Kaling Libang, Leamkai Wangpan aro Leki Ingo, Forest guard-O. P Singh baksana Forest Department-ni gipin staff member-rangba dongpaa.
Forest Official-rang aro songni manderangni apsan nangrime jotton ka·anichi ia mongma bi·sako name ra·doenba, buringona watatpila gita man·aha. Songni manderangni dakchakpaaniko on·ahanina mitelpilskaani gita, RFO Diwang Lowang, uamangna kusi ong·e tangka 10,000-ko boksis dake on·angaha.
Deomali buring gita mongmarang re·angrongani gimin, saoba a·kolrang cho·genchim ong·ode uarangko pangnan name dape donpilchina official-rang u·iataha, maina bang·bata somoion ia cho·e galgimin a·kolrang matburingrangna mongsongbate mongma bi·sarangna namen kenbegnigipa ong·a. Uasan ong·aigija, Forest Department-ni gita iandakgipa obostarangko nikgenchim ba knagenchim ong·ode ta·raken koborrangko on·atpachina songni manderango didianiko dakataha, jedakode matburingrangko somoi gita naljokatna man·gen.
Na·simang ia video-koba nina man·gen:
Na·simang iakoba poraina man·gen: Arunachal-o Dalai Lama-ni bilsi 90 gapaniko mania
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
