Dibrugarh, Jan 27: Sombar salo Republic Day maniani salo, Arunachal Pradesh-ni Changlang a·jani Ranglom-o donggipa Assam Rifle camp-o chadrapaniko NSCN/GPRN dol a·kangataha.
Uamangni silchidare ra·bitgipa dol 4-gipa Assam Rifle Camp-ko pringni 8 bajioni 8:45 bajiona chadrapaha ine uamangni dol u·iataha. Iani gisepon, chel·chakgipa dolrangni ua biapko chipani a·sel ia chadrapanio saoba saknaako man·ama man·ja uamang agana man·jaha ineba u·iatangkuaha. Ia chadrapaniko dakna nangchongmotgipa ine aganengon, uamang India-ni chel·chakgipa dolrangko jolo songdonggipa manderangko kragija dakanina matnangatenba, Naga-rangni a·a chigako naljoke rakkina gita uamang iandakgipa chadrapaniko dakangkugen ineba aganangkuaha.
Indake ong·engon, ULFA (Independent) aro NSCN (K-YA)-ni bobil dolrang apsan ku·mongenba ia chadrapaniko dakangaha ine chel·chakgipa dolni official-rang u·iataha. Ia Assam Rifle camp-ara Changlang jillaoni km 10 mang chel·ao ong·an baksana India-Myanmar sima ari-oni namen sepangbegipa ong·achim. Chadrapako man·a bakan, Assam Rifle dolrangba warachakaniko dakgenchimoba, rasong gnangbee darangba iano saknaako man·jaha. Sima ari jolrango chel·chakaniko bariatani gisepon, bobil dolrangko rim·na gita apsan ku·monge am·sandianiko a·bachengataha.
Na·simang iakoba nina man·gen:
Na·simang iakoba poraina man·gen: Mendipathar MLA, gital rikgipa Dome Anti Urban Health & Wellness Centre-ko nokdonggae on·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
