Resubelpara, Jan 27: Mendipathar-ni MLA Marthon J Sangma, North Garo Hills a·jao gital rikgipa Dome Anti Urban Health & Wellness Centre-ko Mongolbar salo nokdonggae on·aha.
Tom·anio jinmana aganprakengon, ia Urban Health & Wellness Centre-ko nokdonggae on·a man·aniara, jolo donggipa manderangna nambata sanna bannaniko on·an baksa ru·uta somoirangna uamangni nangnikgipa kamko chu·sokatna man·ani ong·a ine Marthon J Sangma aganaha.
Ia centreo, an·o donggipa ma·giparangna nambata sanna bannaniko on·a dakchakgen ineba ua aganaha.
Indake, Deputy Commissioner Dr. Abhishek Saini-ba, ia Urban Health & Wellness Centre-ko jakkalchina ma·giparangko aro nokdangrangko didichina aro an·pakgipa ma·giparangni siani aro bakgitchakrangni siani-ko komiatna miksonge ja·ku de·enganiko u·iatchinaba song nokko dilgiparangko mol·molataha.
District Immunization Officer Dr. Rezia K Sangma-ba, ia Urban Health & Wellness Centre-ko nokdonggae on·a man·aniara Dome Anti-kosan on·a man·enga ong·aija indiba, songgittamna sanna bannaniko on·a dakchakgen ine aganan baksa, Poly Clinic-koba bilsio changsade ong·atanggen jeon Specialist Doctor-rang re·angenba ma·a aro bi·sarangko check-up ka·jringgen ineba aganaha.
Na·simang iakoba nina man·gen:
Na·simang iakoba poraina man·gen: Majuli-o mang-50 gipin a·songoni bilbagipa do·orangko sigiminko man·a; bisi on·a ine chanchichipa
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
