Guwahati, Jan 27: Republic Day-o Assam-ni Majuli a·jani dingtang dingtang biaprango mang-50 mang sigimin do·orangko man·aha, jerangkon bisi on·e siataha ine authority-rang chanchichipenga.
Koborrangko man·soani gitade, do·orangni manggisirangko Kamargaon aro uni sepangjolo donggipa biaprangni bari-baganrangoniko man·aha. Bisi on·a ine chanchichipgimin mangchet do·orangko Ratanpur Veterinary Hospital-o sanna-bananiko dakenga.
Ia obostani bidingo police-rang sak 17 manderangko sing·doanirangko dakna rim·aha.
“Ia do·orang cha·aniko sandiroroe sokbaon, u·ina man·gijagipa manderang uamangni bari-baganrango jo·ongrangko nisiatgipa samrang aro chemical-rangko jakkalaha, aro unon do·orang siaha,” ine saksa official parakataha. Ia obostako Majuli-ni Dakshinpat Kumar Gaon, Sumoimari, Kamargaon, aro Rawanagaon jolrango ong·aha ine koborrangko man·soaha.
Ia obosta ong·anichi Assam-ni environmentalist-rang namen ding·chaotokaha aro dos dakgipa manderangko gong·raken rim·china dabiangaha.
“Bilsiantian sin·karini somoio, ia gipin a·songoni bilbagipa do·orang cha·ani sandiroroe Majuli-ona sokbae adita ja-rangna dongange re·angpila. Ia bilsio, uarang pangnana bate seng·gnange, November ja-na skangan bilbaaha, aro adita biaprango uarangko nikna man·aha. Republic Day-o manianirangko dakengon, do·orang bisiko cha·manaha ine chinga koborko man·aha,” ine saksa forest official parakataha.
“Chinga ua biapona gong·raken re·angaha aro tangengkugipa do·orangko sanna-bananiko dakna rimangaha. Uarangna bisi on·a ine chinga chanchichipenga, aro sing·sandie nianirangko dakon, do·orangko ja·ga sana bisi gnanggipa cha·anirangko on·aha ine chinga sakkiko man·aha,” ine ua agandapangaha.
Uandake, ia obostani bidingo da·ona kingking sakchi·sni manderangko rim·aha aro unoni sakbride me·chikrang ong·a, aro da·o am·sandianirangko dakangkuenga.
Na·simang iakoba nina man·gen:
Na·simang iakoba poraina man·gen: Chang 77-gipa Republic Day-ko WGH-o mania
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
