Tura, Jan 26: India a·songni gipin bakrango gitan Garo Hills a·jani dingtang dingtang bakrangoba, chang 77-gipa Republic Day-ko Sombar salo maniangaha.
New Tura-ni Matchakolgre L.P School-ni kal·chakram biapo ia gisik ra·na krabegipa salko manianio, Meghalaya Legislative Assembly-ni Speaker aro North Tura-ni MLA Thomas A. Sangma dal·batgipa sokgipa ong·e bak ra·angenba a·songni nisanko badalatenba a·songni gitko ring·dilangaha.
Parade Commander George Pashi, DSP-ni dilanichi ge 13 contingent-rang March past ka·angaha aro salam ka·angaha.
Tom·anio dal·batgipa sokgipa, Thomas A Sangma aganengon, a·songni git Vande Mataram-ni bilsi 150 gapaniko janapangan baksa, a·songni jakgitelanina dakgrikanggipa pagitchamrangko aro matgrikrangko mande ra·pilskaaniko dakangaha.
Unbaksana, Armed forces, Paramilitary Forces aro Meghalaya Police-koba, a·doko songdong a·chaenggipa manderangna naljokaniko on·enganina mitelpilskaangaha.
Iarangna agreba, a·dokni silroro namroroanina sorkarini on·enggipa scheme-rangni gimin janapangan baksa, dingtang dingtang Department-ni gita a·dokna on·gilanirangkoba ua aganangaha.
Ia manianio, dingtang dingtang Department-rangni chu·sokatgimin aro chu·sokatgnigipa kamrangko tableau tarie mesokangaha.
Indake, ge 13 contingent march past ka·giparangoni, skanggipa biapko Don Bosco College, Tura NCC Boys, gnigipao Don Bosco College, Tura NCC Girls aro gittamgipa biapo Tura Government College-ni NCC Girls boksisko man·angaha aro Tableau tarie mesoksusaanio skanggipa biapo Tura Municipal Board (TMB) aro gnigipa biapo Tourism Department chegipa ong·aha.
Iarangna agreba, West Garo Hills a·jao sorkarini ning·o bimchipe kam ka·giparang aro on·gilgiparangkoba mitelpilskaani gita upadi aro appreciation certificate-rangkoba dal·batgipa sokgipani jakchi on·angaha.
A·jani gipin bakrango gitan, Dalu Civil Sub-Division-oba ia gisik ra·na krabegipa salo maniangaha aro ia tom·anio MLA Ian Botham K. Sangma dal·gipa sokgipa ong·e bak ra·angaha aro a·songni nisanko badalatenba Rashtriya Salute ba salam ka·enba joljol a·songni gitko ring·angaha.
Ia manianio, MLP, BSF aro jolo donggipa school-ni Scout and Guide-rang March past ka·angaha.
Na·simang iakoba nina man·gen:
Na·simang iakoba poraina man·gen: Chang 77-gipa Republic Day-ko Jowai-o manianga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
