Guwahati, Sep 2: Assam a⋅dok-o Cattle Preservation Act 2020-ko ia bilsi August jao ra⋅gatahaon matchu badingani, pala-sim⋅ani aro gipin a⋅dokoniko Assam gita ra⋅bana man⋅jawaha ine jajaanina talatani gita, ia act-ni section 7-o japapani gita ian mongsongbate matchu materangko badingsrukaniko champenganasa ong⋅a. Unigimin Meghalaya a⋅dokona matchu-rangko Bihar a⋅dokoniko ra⋅baengon minggni dakna nanganirangko ja⋅rikna nanganirang donggen.

Skanggipa, je matchukon ra⋅baengachim uko biji su⋅ama su⋅ja nina nanggen aro ra⋅baana dingtangmancha permit-ko ra⋅na nanggen. Uani kosako Assam sorkarini dingtang daktee sinjetaniko on⋅ode Act-ni section 7-o pangchake India sorkario sing⋅dona man⋅ani donga ine Animal Husbandary and Veterinary-ni Principal Secretary GHP Raju talatangaha.