Guwahati, April 26: Assam a·doko re·baenggipa May jani 2 aro 7 tarikrango ong·atna sienggipa Panchayat Election-na Assamni Bharatiya Janata Party (BJP) uamangni manifesto ‘sankalp patra’ ingipako nakataha. Guwahatini Bahista Charialio donggipa Atal Bihari Vajpayee Bhavan BJPni office noko a·dokni BJP padot Dilip Saikia ni dongpaanio Dr. Himanta Biswa Sharma iako oprake on·angaha.
Ia manifesto-o janapgimin rangko chu·sokatana sorkari kam ka·gen aro je rangko chinga chu·sokatna jotton ka·enga uarang bimang pil·chongmotgen ine BJPni agantimgipa Manoj Baruah aganaha.
” 2025 bilsini panchayat Election-na chinga jeko tarienga uan chingni bilsi 5 na niksamsoe kam manchigiminrang ong·a. Assam a·dok gimiko song 26, 000 gimikko namdapatna chinga krengenga aro kror 1.8 songadamni manderangna namroro-silroroaniko ra·bana chingni nisan songani ong·enga. Bapu, Acharya Vinoba Bhave, Pandit Deendayal Upadhyaya, Atal Bihari Vajpayee aro Narendra Modini namgipa gunko aro uamangni ja·kuko ga·sningenga” ine Dilip Saikia aganaha.
“Ia Manifestoko tarina sak 3,500 manderang baksa agan-golpogrikchengesa iako tariaha. Ian a·dokna namroro-silroroaniko kam ka·anio namen dakchakbeani ong·gen. Songadam-nokadam rangko aro lekka-porako ra·donaba ian namen dakchakbeani ong·gen. Unigimin ia Sankalp patrako oprakna anga namen rasong chabea” ine Assam skotong minister Pa Sharma aganaha.
Na·simang ia video-koba nina man·gen:
Na·simang iakoba poraina man·gen: Chang 15 gipa Rozgar Melako Shillongo ong·ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
