Guwahati, April 6: Assam Assembly election-ni gittamgipa bak Mongolbar attamo matchotangaha aro Mongolbar attamni 6:00 bajiona kingking pu•onanirang gimik 78 percent-mang gapaha.
Assam a•dokni BJP Minister Himanta Biswa Sarma-ni u•iatani gitade, ia gittamgipa bakoba BJP dol chegipa ong•na ka•dongenga.
“Ia gittamgipa bakode chinga adita neng•nikanirangko man•naba gnang ine chanchiachim indiba opposition dolrango ong•gija miksonganirang dongani a•sel chinga name dakna man•aha,” ine Sarma aganaha.
Bodoland Territorial Council (BTC)-ni Chief Executive Membor Pramod Boro-ba Assam Assembly election-o NDA chegopgen ine an•tangni ka•dongchakenganiko parakataha.
Ia election-ni gittamgipa bako gimik dam 40 seat-rangna pu•onangahachim aro ia dam 40 seat-rangoni dam 8-de Bodoland jolo ong•achim.
“Assam-o opposition dolrangde chena man•jawa maina manderang, NDA-nasa pu•ontokaha. Ia electionni gittamgipa bako dam8 seat-rangkon United People’s Party Liberal (UPPL) aro BJP chegopgen,” ine Boro aganaha.
Assam election-o BJP-chi dilenggipa NDA aro Congress dolchi dilenggipa Mahajot-ni gisepo bilakbate susagrikengachim.
