Guwahati, Apr 20: Central Examination Board (CEB), ia bilsini matric porikkani result-ko sal 45-ni gisepon parakataha.
SEBA-ni CEB official-rang, 2024 bilsini HSLC porikka result-ko parakani jaman, Guwahati-o press conference-ko ong•atangaha.
“Ia bilsio skanggipa changna objective type questions ba kan•dikgipa sing•anirangna aganchakaniko OMR sheet-o dakangaha aro iako dakanio maming neng•nikanikoba chinga nikjaha. Unbaksana, ia bilsion skanggipa changna sal 45-ni gisepon porikka-ni result-koba parakataha” ine official-rang aganaha.
Indake, ia bilsio gimik gimang pass ka•giparang 75.7% mang ong•a jean, batanggimin bilsina bate ia bilsio skanggipa aro gnigipa division-o pass ka•ani rate-rang batachim. Ianoni pass ka•gipa me•asa chatrorangoni 77.3%, me•chik chatrirangoni 74.4% aro third gender chatro chatrirangoni 80% ko man•e pass ka•aha.
Indake, SEBA-ni gita dingtangmancha ja•rikani niamrangko tarienga, chongmotan, ia chango candidate-rangni marksheet-rangko certificate dake on•angna mangsongenga aro uamangni result-ko online gita download ka•na man•gen.
Iani gisepon, jemangan ia porikkao pass ka•jahachim, uamangba SEBA-oniko certificate-rangko bi•atna man•gen.
Batanggimin somoio SEBA-ni bimungo ia porikkako ong•ataha.
Indake, result man•giminrangni comparative examination-ko May jao ong•atgen aro uni result-ko June jao parakatgen. Ia comparative examination-na April 25 tarikoni dipet apply ka•na gita man•gen ineba uamang janapdapataha.
Na·simang ia video-koba nina man·gen:
Na·simang iakoba poraina man·gen: Inter District Youth League ong•nasiengon U-14 aro U-16 team-na selection trial-ko ong•ata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
