Tura, Apr 20: District Football Association (DFA), Inter District Youth League kal•susaanio, West Garo Hills Team-na kal•e on•a gita U-14 aro U-16 me•asa dolna seokna inenba selection trial-ko Sonibar salo ong•atangaha.
Ia trial-ko, gisiko nanggipa chadamberangni robol kal•na sapaniko u•ina man•a miksonge, Tura-ni GBHSS Chandmary Football Turf-o ong•atangaha. Indake ia seokanio mongsongbate West Garo Hills a•jaoni bak ra•enggipa chadamberangna cholko on•bataha.
Garo Hills a•ja gimikni kona noksikoni sak 200 gisiko nanggipa chadamberang ia trial-o bak ra•angaha aro an•tangtangni changa sapaniko mesokangaha. Ia trial-o seokaniko District Football Association-ni scout-rang seokangaha.
Unbaksa, ia trial-o bakgni dake seokaniko dakaha aro seokgimin chadamberangni bimungrangko Sonibar salo parakatgen, uni jamano final phase-koba ong•atgen ine u•iataha.
Indake, changsatai April 27 tariko uamangko nipiltaianiko dakanggen. Indake, je susagiparangan ia chango seokako man•jahachim, uamang changsatai gnigipa bakni seokanio cholko man•angtaigen.
Hub News baksa DFA-ni Secretary, Gamcheng R Marak agangrikengon, gisiko nange bak ra•giparangoni jemangan seokako man•jahachim uamangko ka•abeatna aro ka•dongagri ong•atna sikjani gimin, uamangna changsatai gnigipa cholko on•taigen ine aganaha.
Unbaksana, District Football Association aro Meghalaya Football Association baksa nangrimenba, me•chik kal•susagiparangnaba iandakgipa cholrangko mikkangchi on•gen ineba Marak agandapataha.
Ia Inter District Youth League-ko ong•atani tarikko parakatkujaoba, Tura Football League Super Division 2024-ko ong•atani jamano ong•atnaba gnang ineba parakataha.
Na·simang ia video-koba nina man·gen:
Na·simang iakoba poraina man·gen: Manipur: Kangpokpi Lok Sabha Election-ni skanggipa bako voter-rang vote on•na jechaka
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
