Imphal, April 20: Mijalo ong•atanggipa LS election-ni skanggipa bako Manipur-ni Kangpokpi a•jani manderang vote on•na re•angtokjaha.
Damgittam assembly constituency chongmotan 46-Saikul, 50-Kangpokpi aro 51-Saitu-rangni bang•bata polling station-rangon Kuki-Zo jatrang bangbata, indake banggija polling station-rangosan Naga-rang aro Nepali-rang dongaia.
Dam 24 polling station-rangko, apjitbagipa Inner aro Outer parliamentary constituency-rangni manderangna vote on•chakna gita “Special polling station”-ko dakataha. 50-Kangpokpi assembly constituency-na agreba damgittam Model Polling Station-rang aro bangbata dam 77 polling station-rang jekon me•chikrang nirokaniko dakengachim uno attam 4 bajiona kingking sengoba “zero voter turnout”-ko nikna gita man•aha.
Sadar Hills area-o “Zero voters turnout”-ko man•aniara manderang sorkari baksa kusi ong•gijaniko mesoka. “Kuki manderangni kosako political-ni gita sinjetanirangko dakgen ong•ode uamangni niam gita re•aniko cha•grongna nanggen,” ine KSO Sardar Hills-ni General Secretary K Shongreng, kobor ra•timgiparangna aganataha.
Naga aro Nepali jatrangni donggipa biaprang jeon be•enni gita nengnikaniko man•gipa manderang nirok sandianiko dakgipa adita polling station-rango bangjagenchim ong•oba an•tangna on•gimin bilrangko jakkale vote on•nanirangko nikna man•aha.
Gisik ra•atpiltaina, Kuki jatrangni chubatgipa, Kuki Inpi Sadar Hills-ni dolrang, Sadar Hills area-o songdong achaenggipa Kuki jatrangko rak•en Lok Sabha Election-o bak ra•jachina mikrakataniko on•manaha.
Kangpokpi a•jao chu•gimik pu•onanirang 30 percent-na komigen ine chanchichipenga. Kangpokpi-o me•asarang sak 51,184 aro me•chikrang sak 52,378 gnang, chu•gimik sak 1,03,563 voter-rang gnang.
Na·simang ia video-koba nina man·gen:
Na·simang iakoba poraina man·gen: 2-Tura Parliamentary Constituency-o pu•ongiparang gimik gimang 81.37% gapa
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
