Tura, Apr 20: A•song gimikni dam 101 gipin constituency-rang baksa Tura Parliamentary Constituency-o pu•onaniba Sukrobar salo matchotangaha. Indake, Tura Parliamentary Constituency-o dam 5 a•jarango dam 24 Assembly Constituency-rang gnang.
North Garo Hills a•jani Mendipathar (ST) Constituency-o 78.17%, Resubelpara Constituency-o 80.18% aro Bajengdoba Constituency-o 81.09% voter-rang an•tangtangni man•gimin bilrangko jakkale pu•onangaha aro ia percentage-ko man•aha.
East Garo Hills a•jani Rongjeng (ST) Constituency-o sak 35,993 voter-rang register ka•angaha, Songsak Constituency-o 83.95% aro Williamnagar Constituency-o 73.44% gapaha.
West Garo Hills a•jani Raksamgre Constituency-o 79.89%, Tikrikilla (ST) Constituency-o 80.36%, Phulbari (Gen) Constituency-o 84.89%, Rajabala (Gen) Constituency-o 87.41%, Selsella (ST) Constituency-o 84.06%, aro Dadenggre (ST) Constituency-o 83.51% gapaha.
Indake, North Tura (ST) Constituency-o 74.64% voter-rang an•tangtangni man•gimin bilrangko jakkale pu•onangaha. South Tura (ST) Constituency-o 71.54%, Rangsakona (ST) Constituency-o 77.90%, Gambegre (ST) Constituency-o 85.02% aro Dalu (ST) Constituency-o 78.47% register ka•gimin voter-rang an•tangtangni man•gimin bilrangko jakkale pu•onangaha.
Garo Hills a•janini chu•gimik Constituency-rango 80.30% voter-rang democracy-ni gimin pu•onangaha.
Indake Ampati Constituency-o 82.97%, Mahendraganj Constituency-o 82.08% aro Salmanpara Constituency-o 82.75% gapaha.
Indake ong•engon, Ampati Constituency-o sak 51,566 voter-rang, Mahendraganj aro Salmanpara Constituency-o sak 51,757 aro 51,323 voter-rang uamangni gamchatgipa vote-ko on•angaha.
Iani gisepon, Rongara Siju, Chokpot aro Baghmara Constituency-rango 79.25%, 81.61% aro 79.09% mangni gita pu•onanio gapaha.
2-Tura Parliamentary Constituency-o gimik gimang 81.37% ko man•aha.
Na·simang ia video-koba nina man·gen:
Na·simang iakoba poraina man·gen: VPP-ni mitchigipa politics-ko jakkalania dakgualani ong•a: Ampareen
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
