Guwahati, Nov 10: Assam-o Accredited Social Health Activist (ASHA) worker-rangna somoi gita dormaharangko on•china aro kam ka•ani somoirangko bakkandikatchina dabie Sukrobar salo, Guwahati songjinmani Chachal-o jinma jingjengatanirangko dakangaha.
Assam-o ASHA worker-rang jinma jingjengatangengon, komibeoba japrako gong 15,000 dormahako on•china aro kam ka•ani somoiko bakkandikatchina dabiangtokaha.
ASHA worker-rangni u•iatani gitade, uamang an•seng baljokani kamrangko ka•giparang ong•e, an•tangtangni neng•nikanirangko aro dabianirangko Health department-ni official-rangna baditaba chang sedoatahachim aro Assam sorkariba uamangni dabianirangko chu•sokate on•na ku•rachakanirangko on•ahachim indiba da•alonan uamangni dabianirangko sorkari chu•sokate on•kujaengachim.
Assam-o ASHA worker-rangna da•o dipet japrako gong 3000/- dormahakosan on•enga aro ian uamangni nokdangrangko chalaianio chu•ongjaenga ineba ASHA worker-rang parakataha.
Iakoba poraie nina man·gen: East Jaintia Hills-o Cr 4-na batgipa ‘drugs’-ko so•e gala
WATCH:
