Tura, Nov 10: Sinkari sokbahaoa ka•srisri balgipa balwarangba balbaaha, indake ong•engon, Meghalaya-ni Garo Hills a•jao a•chikrangni dalbegipa maniani Wangala-ko ong•atanichi a•dok chigana rasongko aro an•saoanikoba ra•baa.
Gnigipa saloba, Wangala Dance festival-o a•chikrangni niam gita dakbewal Rugala-ko dakangaha. A•jatango dongkamgipa manderang aro unbaksana, gipin a•songoni re•bagipa manderang mongsongbate France a•songoni re•bagipa manderang, Tura-oni 38 km-mang chelao donggipa Baljek-o ong•atenggipa 100 Drums Wangala Festival-o muni nangatako man•aha.
Ia Wangala-ko manianio, Rugala-ko Nokma-ni jakchi dakdilangaha. Ia dakbewal-ko dakanio, mi-niko tarigipa Chu bitchi baksana mi aro bijakrangko, Pattigipa Ra•rongipa Misi Saljong-na on•aniko dakronga.
Gnigipao, Chu-rugalako daka, ia dakbewal-ko dakania, songni Nokma ba songni Gaobura -ni jakchi Chu bitchirangko rugalenba Saljong-na on•aniko daka.
Indake ia dakbewal-rangko dakgija maming saloba mi misirangko akna tetna man•jachim.
Indake ia maniako dakani somoio uamangni isol-na on•anirangko on•manani jamano mi-niko tarigipa chu bitchiko sakantian ringrongachim.
Unbaksana ia manianio, a•chikrangni kal•rongbaenggipa kal•susaanirangkoba kal•angaha.
Wangala ian a•chikrangni maniani gisepo dal•batsranggipa maniani ong•achim.
A•chikrangni dakrongbewal gita ia manianiko October jaosa ong•atrongachim ba basakobade November jao ong•atskaa.
Indake ia manianio, dingtang dingtang songrangoni re•bae bol 100 damarangko doka damaniko daka aro ian a•chikrangni dakrongbewal chrokmesaanirangko mesokan baksa, dam 10 songrangoni bakko ra•e susaaniba ong•achim.
Iakoba poraie nina man·gen:Manipur-o tom•tomaniko ra•bapilchina dabie NESO, asonge jingjengata
WATCH:
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
