Guwahati, Sept 12: Asam a·doko an·tangtangko MBBS doctor-rang ine tol·gipa sakgni manderangko Cachar police rim·aha. Uandake a·doko an·tangko doctor ine tol·giparangko sandiengon, August ja-oni da·ona kingking sakchet manderangko rim·aha.
Matnangako man·gipa manderang Nihar H. Mazarbhuiya (35) aro Radheshyam Rabidas ong·a. Uamangoni saksako Borkhola-oniko aro sakgipinko Manipur-ni sima ari-ni sepango donggipa Jirighat antidam-oniko man·aha.
Cachar SSP Numal Mahatta-ni aganani gitade, uamang sakgnian sanna-banani bidingo mamung poraia-skiani gri sagiparangko niengachim. “Uamang tol·gipa MBBS degree-rangko tariaha, aro chinga iarangni bidingo sandie man·aha. Uamang an·tangtangko doctor ine tol·e lekkarangko tariaha aro iani bidingo chinga sandianirangko dakengaha,” ine Mahatta parakataha.
Am·sandianirangko dakon, Mazarbhuiya an·tangko senior physician ong·a aro postgraduate MD donga inenba manderangna mesokaha, unbaksana ge·gnirang pharmacy-rangkoba chalaiengachim – Dilshan Drugs aro Sania Drugs – jeon ua sagiparangko sanna-bananirangko dakengachim. Apsandake, Rabidas-ba Jirighat Bagaan-o an·tangko doctor ine tol·e songni manderangko sanna-bananirangko dakengachim.
Uamang sakgniko Bharatiya Nyaya Sanhita-ni (BNS) ning·o togiani, lekkarangko tol·e tariani aro manderangni janggirangna kengniko ra·baanina badi ka·anirangko dakaha ine Police-rang parakataha.
Adita salrangna skang, September 9 tariko, an·tangtangko doctor ine tol·gipa sakgni manderangko Cachar-o rim·aha, aro uamangoni saksade an·tangko Kazakhstan-o MBBS dakbagipa senior gastroenterologist ine dakmikgipa ong·achim.
“An·tangtangko doctor ine tol·gipa manderangko sandianirangko dakangkugen. August ja-oni da·ona kingking chinga Cachar a·jamangmangon sak-chet manderangko rim·aha,” ine police aganaha.
Na·simang iakoba nina man·gen:
Na·simang iakoba poraina man·gen: MeECL-ni kam ka·anirangni bidingo Independent Committee-ni report-ko a·dokni Cabinet ra·chaka
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
