Guwahati, Nov 16: Batanggimin antisani gisepon, Assam a•dokni Mariani jillao, matchapeng mangsa chadrapanichi bilsi 9 ong•gipa bi•sa saksako man•chape gimik sakgittam manderang saknaanirangko man•na nangaha.

Koborko on•ani gitade, ia matchapeng samba jolo donggipa buringoni ong•katbaaba aro Maruani jillao songdongenggipa manderangna kenjagokaniko ong•ataha.

Budbar salo, ia matchapeng, Mariani jillani Jyotinagar jolo bilsi 9 ong•gipa bi•sa saksako chadrapaha aro ja•mano ia bi•sako sanna gita hospital-ona ra•angna nangaha.

Iana skangba mande sakgni, ia matchapengchi chadrapako man•e saknaanirangko man•na nangaha aro uamangba da•o hospital-o donge sanna bananirangko ra•enga ine kobor on•aha.

Ia jolrango matchapeng chadrapengani giminan samba jolrango donggipa bang•bata skulrangkon chutti wataha ineba kobor on•timgiparang parakataha.

Ia matchapengko forest department-ni manderang rim•na jotton ka•engachim indiba rim•na man•kujaenga ineba kobor on•aha.

Iakoba poraie nina man·gen: Pekatgipa bosturangko badinggipa sakgni manderangko rim•a

WATCH:

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub