Shillong, Nov 16: November jani 15 tariko, salni 12:30 bajini somoio, saksa Manoj Muksor minggipa mande niamni a•palo pekatgipa bosturangko ra•bite Silchar-oni Khliehriat-ona ra•angenga ine koborko man•soaha. Indake ia koborko man•soa bakan, NH-06-ni Nongsning-o NAKA-ko a•bachengataha aro Lumshnong joloni re•baenggipa gari ge•antiniko am•sandianiko dakanio, driver baksa passenger sakgni gnanggipa, B/R ML-11-3594 no.ni taxi-ko attamni 5:30 mang somoio dondipate sandianiko dakaha.
Indake ia gariko aro gadobaenggipa manderangko aro uamangni ra•bitenggipa bosturangko am•sandianiko dakon, Manoj Muksor-ni bag-oniko 21gram ong•gipa rimitgipa gindeni bostuko sabon gnanggipa ge2 box-oniko man•aha aro Vicky Dkhar-ni bag-oniko 1.03gram ong•gipa rimitgipa gindeni bostuko chonbegipa botol-oniko man•aha. Indake ia rimitgipa gindeni bostuko porikka ra•e nion Heroin ine u•ina gita man•aha. Aro ia Heroin-ni dam gong ₹18 lakh-ni ong•achim.
Ia dosi gnanggipa manderangara, Mihmyntdu Jowai-oni Rastom Sumer-ni depante bilsi 23 ong•gipa Manoj Muksor aro (L) Ioanis Ryngkhlem-ni depante bilsi 26 ong•gipa Vicky Dkhar ong•achim.
Ia rim•a man•gipa manderangoniko ge•gni mobile phone, ge•sa gisim rongni bagpack aro ge•sa Sling bag-koba man•ha.
Iakoba poraie nina man·gen: Election rally-o bak ra·ani gimin Assam-ni Guv-ko ra·galchina TMC dabia
WATCH:
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
