Guwahati, May 2: Sonibar salo, Assam Opposition Alliance dolrang, vote pu·ongiminrangko channa skang mikkangchi ja·ku de·ani bidingo chanchirimaniko dakna Guwahati-o tom·aniko ong·atangaha.
Election-ni result-rangko saobarang kragija dingtangatna jotton ka·naba donga ine jajrengengon, uamang re·baenggipa May jani 4 tariko chena ka·donganiko parakataha. Assam Pradesh Congress Committee-ni President Gaurav Gogoi ia tom·bimonganiko dilangengon, Assam aro A·song gimikni dilgiparang jekai Karnataka-ni Deputy Chief Minister D. K. Shivakumar, AICC-ni General Secretary Jitendra Singh, Assam Congress election-ni in-charge Bhupesh Baghel, CLP-ni dilgipa Debabrata Saikia, Raijor Dal-ni President Akhil Gogoi aro AJP-ni President Lurinjyoti Gogoi maangba dongpae bak ra·angpaaha.
Ia somoi namen gamchatbegipa ong·a ine aganengon, tol·na man·jana gita uamang dingtang dingtang a·dokrangoni a·gipibatgipa niroktimgiparangko Congress dolni member-rang baksa vote channaniko name dake nirokaniko dakna a·ja gimikonan watatgen ine Gaurav Gogoi kobor ra·timgiparangna aganangaha.
Iani gisepon, Raijor Dal-ni padot Akhil Gogoi aro Lurinjyoti Gogoi, exit poll-o uamang bebe ra·ja ine aganengon, ia election-o uamang ge 70 seat-rango chena ka·donganiko parakataha.
Na·simang iakoba nina man·gen:
Na·simang iakoba poraina man·gen: Arunachal-Assam-ni sima ario krongrangko songna dam 19 biaprangko seoka
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
