Shillong, Sep 21: Assam a•dokni Karbi Anglong a•jao United People’s Front of Karbi Longri (UPFKL) minggipa gital bobil dolko bikotahani gimin a•dokni damgnini sima jolrango chel•chakenggipa sipai dolrangko bang•bate donataha ine Bristibar salo, Meghalaya a•dokni Chief Minister Conrad K Sangma parakataha.

Assembly-ni Autumn Session-o Mowkaiaw constituency-ni UDP MLA Nujorki Sungoh-ni ra•bagipa chanchirimanina aganchakaniko on•angengon, ia jolrango songdongenggipa manderang, ia gital bobil dolni tangka dabie seatgipa chittirangko man•soaha ine koborrangko man•soengoba da•o dipet ian ong•manchaa ine darangonikoba sakkirangkode man•soa dongkuja ine Chief Minister aganaha.

Indake ong•genchimoba, Karbi Anglong jolrango gital bobil dolko bikotaha ine songbadrango seahani giminsa ia sima jolrango chel•chakgipa sipai dolrangko baridapataha ine Sangma aganaha.

A•dok damgnini simarango donggipa songrango tom•tomanirangko rakkina gita sorkari rakbee kamrangko ka•enga ine janapatengon, Assam aro Meghalaya sorkarini gisepo skanggipa changna, ia a•dok damgnini simarango ong•enggipa golmalrangko namatna gita dolgnian ja•kurangko de•chakataha ine a•dokni Chief Minister parakataha.

A•dok damgnini dilgiparang, October jani skanggipa ba gnigipa antio gronge agangriktaina sienga ine janapatengon, Khanduli, Psiar, Block I aro Block II jolrango obostarang namjabatengani gimin a•dok damgnini dilgiparang, ia jolrangni bidingo chanchirimanggen ine Sangma aganaha.

Iakoba poraie nina man·gen: Blood Donation Camp baksana Awareness Program-ko Tura-o ong•atanga

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub