Guwahati, June 19: Assam a·dokni dingtang dingtang bakrango adita salrangna wachini mikkarang jimbee waengani a·sel Bhahmaputra chibima ditdoe dam 10 a·jarango chi-bana ong·ani obostarang salsa batbat namrorojaenganio sak 37,535 manderang neng·nikaniko man·aha ine koboro parakataha.
Mikka jime waanichi, Assam a·dokni ning·ogipa Biswanath, Darrang, Dhemaji, Dibrugarh, Hojai, Lakhimpur, Nagaon, Sonitpur, Tinsukia, Udalguri ia biaprangoniko mongsongbate chi-bana ong·ani obostako knasona gita man·enga.
Songjinmarangoni, Kamrup Metro, Cachar aro Nalbari district-rangoba chi-bana ong·anirangko knasoan baksa, Silchar aro Guwahati songjinmarangoba apsandaken chi bana ong·angaha aro iana jolni manderang, da·o gita chi banani obostarangona simsak-nirokata dongbrejanina aro chirang joke katani biaprangko chu·onga gita taria dongjanina bil man·giparangko matnange aganangtokaha.
Adita salrangna mikka jimbee waenganichi Assam-ni dingtang dingtang bakrango chi-bana ong·ani obostang ong·engon aro Meghalaya-ni mitam bakrangoba a·a ruronganiko knasona gita man·engon, India Meteorological Department, mija Robibar salosan Assam aro Meghalaya-ni gipin bakrango salgnina mikkarang jime wagnini gimin agansamsotaianikoba nikna gita man·angaha.
Assam-o chi-bana ong·ani bidingo official-oniko koborko man·soani gitade, Jorhat district-ni Nematighat, Kampur district-ni Kopili aro Kamrup district-ni Kampur jolo Bhrahmaputra chibima ditdobaanichi jajrengna nanggnigipa gadangna batpile chirang dal·na gita a·bachengaha aro chibimani chirang dal·ani a·sel hajalrangni gita buringni jonturangba biapsano jachange dongna gita nangpilengaha.
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
