Guwahati, Jan 14: Assam a•doko COVID-19 giproroengoba pangna bilsi manirongenggipa Bhogali Bihu-ko manderang kusi ong•en manitokaha.

Ia Bhogali ba Magh Bihu-ara Assam a•doko songdongenggipa manderangni mi-misi akman tetmano pattigipa ra•rongipako mittelpilna dal•batsranggipa maniani ong•a aro Assam a•doko manderang, pringnian au-miksuman•e nokgipani pattianiko bi•na gita wa•alrangko so•e manina a•bachengaha.

Pangna bilsian Assam a•doko songdongenggipa manderang, ia Bhogali Bihu-ko dal•bee manironggenchimode ia changode COVID giproroengani gimin noktangtangosa cha•e ringe ia salko manitokaha.

Bristibar salosan Assam a•doko sak hajal gittamna batpile COVID-19-ko man•tokahachim aro ianoni sak 1000-na batpile Guwahati songjinmaon man•ahachim.

Assam a•doko COVID giprorona a•bachengtaiahaoba manderang Bhogali Bihu-ko manina man•na gita Assam sorkari, niamrangko adita olgrokate on•skaaha.