Guwahati, Dec 23: Assam, Dergaon-ni Lachit Borphukan Academy (LBPA)-oni sak 2,000 mangni gita gital Manipur police-rang training ra•a matchotangenba, a•doko neng•nikanirang sokbaani somoio a•dokna dangdike on•a gita tarisamsoaha.

Manipur a•dokni Skotong Minister, N Biren Singh, January jaoni training ra•a matchotgiparangna tom•aniko ong•atanio mongsonggipa sokgipa ong•e, Manipur a•dokni Governor, Lakhshman Prasad Acharya baksa re•bae bak ra•angaha.

Ia training-ko 44 antirangna ong•atna man•chisogenchim ong•oba, 2024 bilsini June jao anti 2-na mid-term break on•ani a•sel ra•doatna nangao ga•akaha maina bang•a training ra•giparang re•bapilna gita ru•uta salrangko ra•aha. Iani gisepo, a•dita skie ra•giparang saa ding•ani a•sel ba gipin a•selrangchi training-ko matchotatna man•jagenchim ong•oba, ia academy-ni gita  sak 1946 gital re•bagiparangna skie on•aniko dakna man•aha. Rasonggribee sakgni gital kamna training ra•giparangoni skie ra•mitting somoio siangaha.

Indian Reserve Battalion-rangoni sak 9 aro Manipur Rifles Battalion-rangoni sak 6 gital kamna rakkigiparang ong•a. Iano 62%-ni gita Meitei jatrang, 12 % Kuki jatrang aro 26 % Naga aro gipin tribal jatrangko man•chapa. Be•en bimangni gita an•seng baljokani, unarmed combat, ong•telaigipa a•selrang, niam rakkianirang, so•so jengjeng ong•anio jinmako tom•tomatani aro am•sandianirangni bidingo iano skie on•anirangko dakangaha.

Academy-ni official-ni aganani gitade, recruitment-ni somoi re•bagiparang, 50%-ni gita be•en jrigiparang, 5% -ni gita milgiparang aro 31%-ni gita bilsi 30-oni 40 ong•giparang ong•e neng•nikanirangko man•aha. Indiba training matchotahaon, 5% mangni gitsan saa ding•a donggiparang be•enni jria komina gita man•jaha.

Manipur a•doko so•so jengjeng ong•enganiko nigrike, ia training-o mongsongbate mangrake dongani, chel•e rama re•ani, slai goani aro chasong gitalni combat technique-rangko skie on•angaha.

Batanggimin bilsi 2-ni gisepo, LBPA-ni gita sak 7,000 kamna rakkigiparangna skie on•aniko dakangaha.

Na·simang ia video-koba nina man·gen:

Na·simang iakoba poraina man·gen: Byrnihat-o KSP dolko jingjengatna on•jawa ine Ri-Bhoi a•jani authority parakata

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub