Guwahati, June 24: An•tangni MLA-rang baksa Assam a•dokoni re•angchina mol•mole, Sukrobar salo Assam Pradesh Congress Committee (APCC)-ni president Bhupen Borah, Maharashtra a•dokni Minister Eknath Shinde-na chitti seataha.

Maharashtra a•doko Shiv Sena dolchi dilenggipa sorkariko be•gruatna miksonge, Shinde baksana sak 40 MLA-rang, Assam-ona re•bae Guwahati songjinmani Radison Blu Hote-o ma•chakengachim ine nikna man•a.

Assam a•doko chi bananirangchi bang•a manderangan neng•nikanirangko man•tokengon, iandake Assam-ona re•bae, dilgiparangko ra•sekna jotton ka•aniara Assam a•dokni manderangna namen nitogijani ong•enga ine Maharashtra a•dokni dilgiparangko Assam-ko wate re•angpilchina Bhupen Borah mol•molataha.