Shillong, Feb 22: Assam Police-ni Special Task Force, University of Science and Technology Meghalaya (USTM)-ni Chancellor, Mahbubul Haque-ko Guwahati-ni Ghoramara-o uni noktangoniko Sonibar pringni 1:30 baji mango rim•aha.
USTM-ni Chancellor-ko rim•ani miksonganiara, Haque-ni Chairman ong•enggipa ERD Foundation-ni chalaienggipa school-rango chong•motan Central Public School, Patharkandi-o CBSE class 12-ni porikka seanio 30 marks MCQ section-o dakchakaniko on•gen ine ku•chakaha, indake ong•genchimoba porikka seani somoio dakchakaniko on•jani ja•man chatro chatrirang Assam-ni Karimganj-o badi ka•doanio pangchake rim•ani ong•a ine Assam Education Minister Ranoj Pegu parakataha.
Indake uko rim•ani ja•manba Vision 50 Academy-ni chatro chatrirangni bimungrangko USTM parakatkujaenga.
Unbaksana, USTM aro dingtang dingtang institution baksana ia school, Education Research and Development Foundation-ni chalaienggipa ong•a aro ia ERDF-ko Haque bikotchengaha ineba ua janapataha.
Congress dolni dilgipa Ripun Bora, USTM-ni Chancellor-ko waljatchini somoiosa Assam Police-rangni rim•aniko raken jegalatan baksa USTM-ara Meghalaya a•dok sorkarini ning•o ong•a jean UGC-ni ning•o chalaigipa ong•a, indake ong•engon dingtangmancha salgro salaram jolni saksa niksenggipa educationist-kosan Assam Skotong Minister-ara maini gimin attack ka•skaenga ine matnangataha.
Batanggimin somoio Assam-ni Skotong Minister Himanta Biswa Sarma, cha•boke cha•gipa aro tol•e mamingna choligijagipa degree certificate-rangko chatro chatrirangna on•enga aro unbaksana tangka cha•boke cha•enga ine USTM-ni skotong Mahbubul Haque-ni kosako matnangataha.
Uasan ong•aigija, Haque-ni caste certificate-ba kakket ong•gijagipa ong•a ineba Sarma matnangataha.
Indake ong•engani gisepon, ia matnanganirangko jegalatan baksa, iandake matnanganiara institution-ni bimungko botnam ka•ana agreba chatro chatrirangni, faculty member aro researcher-rangni mankoba be•atani ong•a aro ia institution-ni lekka pancha aro gipin nangarangko verify ka•na re•bataigenchimoba uamang nokchaksogen ine institution-ni authority-rang janapataha.
Na·simang ia video-koba nina man·gen:
Na·simang iakoba poraina man·gen: International Mother Language Day-ni salko NEHU-o mania
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
