Williamnagar, May 12: Robibar salo, Spring Gospel Concert-ko St George Samanda Parish Youth Convention-o ong•atangaha aro ia concert ba ring•salrao, Tura-ni Fidem, Resubelpara-ni DSP aro jolni git ring•giparangba bak ra•e, manderangko an•saoatangaha.
Salni bako mikkarang wagenchimoba, ia ring•salrako ong•atna skang mikkarang name on•aha aro uandaken Robibar attamo ia ring•salrako nambee matchotatna man•aha.
Ia ring•salrako a•bachengna skang, Parish-ni Father Jimberth K Marak, rimchaksoani kattarangko aganangengon, ia program-ko ong•atna gita jaksrambee tangka paisarangko on•e dakchakahani gimin Songsak-ni MLA Dr Mukul Sangma-ko mittelpilangaha.
Ia Youth Convention ba chadamberangni tom•bimonganio sak 150-na baten chadamberang bak ra•aha ine janapatengon, ia tom•bimonganio ia chadamberang Kristoko ra•chakan baksana Samanda Parish-o Nokgipa Isolna dangdike on•na an•tangtangko on•kangtokaha ine Fr Marak parakataha.
Ia tom•bimonganio, Songsak-ni MLA Dr Mukul Sangma-ba jinmana aganprakengon, chadamberangni tom•bimonganiko aro ia concert-ko ong•atna rakbee kamrangko ka•dilahani gimin Fr Jimberth K Marak-ko mittelpilangenba, ia ring•salrako ong•atanichi manderang gisikni gita pattianiko man•tokaha ine aganaha. Ia salara Mothers Day ba ma•giparangni salba ong•ani gimin ia program-ko ong•atanio ua dingtangmancha ma•giparangna an•tangni namgipa skanirangkoba on•angjolaha.
Ia ring•salrako ong•atanio Dr Sangma an•tangba ‘Mairongpile Dal•a Na•a’ ingipa gitko ring•e Nokgipa Isolna rasongko on•angan baksana manderangkoba an•saoatangaha.
Ia ring•salrao, Fr Jimberth K Marak aro uni dolba, gitrangko ring•e manderangko an•saoatangbeaha.
Ia tom•bimonganio dongpae bakko ra•anggipa gipin manderangara, Williamnagar-ni MDC Alphonsus R Marak, Rongrong MDC Rinaldo K Sangma, Kharkutta MDC Cherak W Momin, Damas MDC Ferdinand D Shira aro gipinrang ong•a.
Na·simang ia video-koba nina man·gen:
Na·simang iakoba poraina man·gen: Meghalayao CUET porikka sechakramrangko nipiltaichina Conrad ma·mong sorkariko mol·mola
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
