Guwahati, July 11: Assam sorkarini gita, indinba bon•gimin Assam State Agricultural Marketing Board (ASAMB)-ni sak 612 kam ka•giparangna voluntary retirement-ko on•a tik ka•aha. Ia VRS-ko on•a miksonganiara, kamrangko nambate aro mandeni kam ka•ani bilko name rakkina man•a gita miksonganian ong•a.
2020 bilsio Farmers’ Produce Trade and Commerce (Promotion and Facilitation) Act-o ra•gata intalan ASAMB-ara bon•aiahachim.
Ia Act-ni gita, a•dok sorkariko bazar-na tangka gamna nangani, game ge•e cha•giparangoniko tangka gilani, bading chiwalgiparangoniko gilani aro “outside trade area”-o game ge•e man•gimin bolam biterangko bading chiwalanio gamna nanganirangkoba champengatachim. Jeni a•selan, ASAMB-o kam komiangroroan baksana kam bon•ataona sokaha.
ASAMB-ni gita cha bagan dakgiparangna a•salrangko watani kamrangko a•bachengatgenchim ong•omangba, uamangni tangka paisani gita noksan ong•aniko gapdopilatna gita man•jaha. Ia gitalgipa farm law ba game ge•e cha•giparangna tarigimin gital niamko ra•gatani a•sel, bazar-na tangka ra•ani, game ge•e cha•giparang, bading chiwalgiparang aro biap gipinrango electronic trading platform-oniko gilaniko champengatako man•enba, ASAMB-o kam ka•giparang sakantian bilsi 2 batpile beton man•kujaenga.
Re•anggipa July jani 10 tariko, ia tangka mankugijagipa kam ka•giparangna dakchakaniko on•a gita financial settlement scheme-ko Assam Cabinet namnike ra•chakangaha.
Ia scheme-ni miksonganiara, ia bon•gimin board-o sak 612 kam ka•giparangna beton on•a man•gijani bidingo aro gipin on•a man•gijagipa tangka paisarangni bidingo dakchakaniko on•a miksonganian ong•a.
Cabinet-o chanchirimani gitade, Assam State Agricultural Marketing Board (ASAMB)-o ka•kuenggipa manderangna voluntary retirement scheme (VRS)-ko on•anggen, indake sak 147 contingency/ fixed pay employee-rangna one time settlement / gratuity payment ba changsano on•gope matchotaniko on•angskagen.
Ia financial settlement scheme-ni bak gita, ASAMB-o kam ka•giparangna settlement-ni tangkarang baksa 10%-ko on•dapkugen. Ia scheme-ko matchotatna gita tangka gong crore 154 tangkarangko a•dok sorkarini gita chamataha.
One time settlement/gratuity payment plan-ni gitade, ASAMB-o kam ka•gipa sak 131 manderang jemangan bilsi 10 ba una komie kamrangko ka•anggiparangna sakprako gong lakh 5-ko aro bilsi 10-na fixed pay-o kam ka•gipa sak 16 manderangna lakh 1.75 tangkarangko on•angskagen. Indake ong•engon, bilsi 10 ba 15-na kam ka•anggipa sak 131 manderangna tangka gong lakh 5.5-ko aro bilsi 10 ba 15-na fixed pay-o ka•gipa sak 16-na lakh 1.93 tangkarangko on•angskagen. Bilsi 15-na bate kam ka•anggipa sak 131 manderangna sakprako lakh 6 aro bilsi 15-na bate fixed pay-o ka•gipa sak 16 manderangna tangka gong lakh 2.10-ko on•anggen.
Na·simang ia video-koba nina man·gen:
Na·simang iakoba poraina man·gen: JHADC-ni Delimitation Committee dam 10 Constituency-rangna Public Hearing-ko ong•ata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
