Guwahati, May 15 : Assam a•doko chi banna re•aniko champengna gita gitcham a•ako chong•doe tarigipako galskaenba pangkamgipa sorok baksa banko tarianggen.
Mikka wachini somoio Assam a•dok pangna bilsian chi banna re•aniko chagrongna nangronga, jekon a•dok sorkarini gita champengna jotton ka•beoba chu•sokna man•kujaenga.
Indake ia chi banna re•aniko champengna a•ako chong•doate tarigipa pakma nosto ong•ata ba napongatako man•ahaon, manderang nokgri jamgri ong•atako man•toka. Uni gimin a•dok sorkari cha•song gitalni kolko jakkalenba a•ako chongdoatenba geo-tube gnang pangkamgipa sorokko tarina a•bachengataiaha, jedakode ia champengatna tarigipa chong•dogimin a•a nosto ong•atako man•jawa aro iani a•sel manderang nengnikanirangkoba man•jawa.
Ia sorok baksa banko Pagladia chibimao, Assam Nalbari-ni Bharkhetri Block-ni ning•o donggipa Barmurikona-oni Bijulighat-ona tarianggen.
Assam sorkarini dambe Minister Pijush Hazarika, jean Parliamentary Affairs Water Resources, Information & Social Justice aro Spokesperson-ba ong•achim, ua mikka wachi sokbana siengahani gimin, Shantipur-Doloigaon jolni Bajali-ona re•angenba, Pahuma chibimani Geo Tube protection-ko nirokeaniko dakangaha.
“Bilsiantian, Assam a•doko mongsongbate Pahumara chibima jolrango donggipa biaprango chi banna re•aniko nikna man•rongbata. Uni gimin ia chango chinga gitalgipa kolrangko jakkalenba, ia chi banna re•aniko champengna jotton ka•enga. Indake ong•genchimoba iana somoirangko nangkugen indiba 70 % mangni gitade Assam-o chi banna re•aniko champengna gita man•gnok ine anga ka•donga,” ine Pahumara chibimaona re•ango Minister Hazarika kobor ra•timgiparangna u•iataha.
Iako a•bachengataoni da•ona namen kamrangko ka•baenga, aro da•o tarianirangoba uamang geo-tube ba a•ninggita rubber-ni noli rangko tarichapan baksa a•ako chong•doatenba pangkamgipa ramako tarianina, Assam sorkariko chinga mitelna namnika ine Doloigaon-ni Shantipur songni manderang kobor ra•timgiparangna parakataha.
Chinga pangnan chi bannaniko chagrongna nangenga, jeon mandesan ong•aigija matburingrangba neng•nikanirangko man•ronga, aro iani gisepon manderangni janggirang baksana manderangni gamjin mal mattarangkoba gimaatna nangao ga•aka.
Battanggimin bilsirangode chinga ia chi banna re•ani a•selo ramarang champengatako man•e banga neng•nikanirangko man•ronga. Chingni lekkarangko chi man•pakanga baksana chingni nok gimik jamrangba chirara gapaiaha. Ia indakgipa somoirango chingade a•a chong•dogipa biaprangosa dongna gita nangaiaha. Sorkarini ia pangkamgipa embankment-ko rike on•taienganina chinga namen kusi ong•a, ineba ua jolo songdonggipa chatri saksa aganangaha.
Na·simang ia video-koba nina man·gen:
Na·simang iakoba poraina man·gen: M’laya-o skanggipa changna CUET-ko sea; Result-rangko June 30-o parakgen
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
