Shillong, May 15: India a•song gimikon Common University Entrance Test (CUET)-ko May 15 tarikoni a•bachengataha aro Meghalaya a•dokoba skanggipa changna ia CUET porikkako dam 26 centre-rango seangtokaha.
Ia dam 26 CUET centre-rangoni dam 12-de Shillong-o, dam 9-de Tura-o aro dam 5-de Jowai-o ong•a.
Ia bilsio Meghalaya a•dok gimikni sak 18,422 chatro chatrirang, CUET-ko sena gita bimingtangtangko segattokaha aro ia sak 18,422 chatro chatrirangoni sak 8,535-de Shillong-o, sak 4,269-de Jowai-o aro sak 5,618 chatro chatrirangde Tura-o sena gita register ka•ahachim.
Ia CUET porikkani result-rangko National Testing Agency (NTA), re•baenggipa June jani 30 tariko parakatna sienga.
Ia CUET porikkako online aro offline mode-o ong•atronga aro ia changoba ia CUET-ni online porikkako May-ni 21, 22 aro 24 tarikrango ong•ate, offline porikkako May 15 tarikoni May 18 tarikona ong•atskaenga.
Batanggimin bilsigninade ia CUET porikkako chatro chatrirang aro dingtang dingtang dolrang jegaltokahani gimin a•dokni Chief Minister Conrad K Sangma-ni ma•mong sorkari baksa agangrikanichi Meghalaya a•dokode ia porikkako sena nangjahachim.
Meghalaya a•doko dam 12 a•jarang donge CUET porikkako senagipa chatro chatrirang bang•en donggenchimoba Shillong songjinmaosan CUET centre-ko donaigenchimode ian chatro chatrirangna neng•nikani ong•gen inenba a•dokni Chief Minister, ma•mong sorkari baksa agangrike da•o a•doko dam 26 CUET centre-rangko kuliatna man•aha aro uandaken ia bilsiode a•dokni chatro chatrirang, gipin biaprangona re•angna nanggija a•jatangtangon donge ia CUET porikkako sena cholrangko man•tokaha.
2022 bilsio Chief Minister Conrad Sangma-ni agangrikani ja•man India sorkarini Education Ministry, Meghalaya a•dok baksana salgro salaramni gipin a•dokrangkoba ia CUET porikkaoniko wataha aro watako man•gipa university-ranga, Sikkim University, Rajiv Gandhi University, Manipur University, Assam University, Tezpur University, Nagaland University, Tripura University, Mizoram University, NEHU aro Uttarakhand a•dokni HNBGU ong•achim.
Na·simang ia video-koba nina man·gen:
Na·simang iakoba poraina man·gen: PM Modi Varanasi LS seat-na nomination file ka•anga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
