Shillong, May 15: Prime Minister Narendra Modi, Uttar Pradesh-ni CM, Yogi Adityanath aro NDA baksa nangrime kam ka•enggipa CM-rangni dongpaanio, Mongolbar salo, Varanasi Lok Sabha seat-na nomination file ka•angaha. Prime Minister Modi-ni susaenggipa Uttar Pradesh-ni Varanasi constituency-o ua changgnina kingking chegipaba ong•aha.
Indake, Prime Minister Narendra Modi-ni affidavit ka•gimino janapani gita, gong crore 2.85 tangkarangko, State Bank of India-o fixed deposit ka•gipa aro gong hajal 80,304 tangkarang, Gandhinagar aro Varanasi bank account-o donggipa baksa, uo gimik gimang gong crore 3.02 damni jitrurana man•gipa gam jinrang gnang, jean 2019 bilsini affidavit ka•anio gong crore 1.41 damni dongachim aro uo gari aro nok rikaba dongjachim. Unbaksanaba, gong 9.12 lakh tangkarangko, ua National Savings Certificates (NSC) saving scheme-o invest ka•gipaba gnang.
Indake, Sorkarini on•enggipa beton-ko man•ana agre, uo maming man•dapaniba dongjachim aro unbaksana, uo criminal case-rangban mingsaba dongjachim. Unbaksana, 2019 bilsio, PM-ni jako 45 gram-ni sona gnangchim jean, 2.68 lakh damnisan ong•aiachim, apsandake, ia changoba, uni jako gimik gimang gong hajal 52,920 tangkarangsan donga ine ia affidavit-o parakataha.
Una agreba, PM uni BA poraianiko, 1978 bilsio Delhi University-o matchotaha aro MA-ko 1983 bilsio, Gujarat University-o poraie matchotaha ine ia affidavit-oniko u•ina man•aha.
Na·simang ia video-koba nina man·gen:
Na·simang iakoba poraina man·gen: Tura Govt Boys HS School-ni gita ‘Anti-Tobacco Rally’-ko ong•ata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
