Tura, May 14: Ta•makku jakkalani namgijanirangko manderangna mikrakatna gita Mongolbar salo, Tura Govt Boys’ Higher Secondary School-ni chatro chatrirang, ‘Anti-Tobacco Rally’-ko ong•atangaha aro ia re•jomanio skulni pilak chatro chatrirangan bak ra•angtokaha.
Rally ba jinma re•jomaniko skul campus-oni a•bachengatenba, Chandmari bazar bibra gita re•ange apsan biapon matchotateaha.
Jinma re•jomengmiting somoio chatro chatrirang, ta•makkurangko jakkalani namgijanirangko segimin lekka pal•takrangkoba ra•bittokaha.
Ia ‘Anti-Tobacco Rally’ baksana skulni chatro chatrirang, ‘signature campaign’-koba dakangaha aro ia signature campaign-ni bak gita ta•makkuko jegale manderangko soi ka•attokaha.
Ia ‘Anti-Tobacco Rally’-ko ong•atani bidingo, Tura Govt Boys HS School-ni skigipa Encrolla R Marak, Hub News-na talate on•angengon, manderangko aro mongsongbate skulrango poraienggipa bi•sarangko ta•makkurangoni chel•e dongchina didina gita ia re•jomaniko ong•ataha aro ia re•jomanio sak 1000-na baten chatro chatrirang bak ra•aha ine parakataha.
Na·simang ia video-koba nina man·gen:
Na·simang iakoba poraina man·gen: Kangklapara songo Maruti gari bolsako wa•al kamgopa
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
