Guwahati, Oct 27: Assam sorkario kam ka·enggiparang da·oni dipat, gnigipa changna bia ka·na man·taijawaha ine Assam-ni skotong minister Himanta Biswa Sarma, Sukrobar salo aganangaha.
Sarma ia kattarangko, jikpangmani kosako sakgipin me·chikko bia ka·piltaianiko champengate adita sal skang a·dok sorkarini u·iataniko on·anggipani bidingo talataniko on·angahachim.
Sarma, kobor ra·timgiparangna aganangengon, “Ia u·iataniara skangonin donga aro iako Assam sorkario kam ka·enggiparangna dingtangmancha ra·gataha ine talatangenba, service rule-ni gitade kam ka·enggipa me·asa, bia ka·piltaie jik kimna gita man·taijawaha ine talataniko on·angaha.
“Badiaba toromo bia ka·piltaina bilko on·genchimoba, a·dok sorkarini ra·chakaniko nanggnok aro bilko on·a ba on·gijanide a·dok sorkariosa pangchakgen ine Pa Sarma aganangenba, bang·a changon chinga, chakkri ka·enggipa segipani sia ja·man jik sakgnini pension-na dakgrikani obostarangko chagrongaha aro iandakgipa mamlako namatani kam namen raka maina, da·aloba bang·a segrirangan ia obosatao ga·ake pension-rangko man·chipgija dongtokenga ine skotong minister aganangkuaha.
“Assam Civil Services (Conduct) Rules 1965-o on·sogimin niamrangni bidingo u·iataniko on·anggipara skangonin donga, indiba chinga ua niamrangko skangoni ja·rikgija da·osa ra·gataha ineba Pa Sarma agandapataha.
Ia u·iataniko, Assam sorkarini personnel department-ni Additional Chief secretary, Niraj Verma, on·angahachim ine nikatna gita man·gen.
Iakoba poraie nina man·gen: Matnange dongaigija agan-ku•pattianirangkoba on•china VPP-ko Education Minister didia
Watch
