Guwahati, June 20: Saoba Assam-ni chako brena sikgenchimode, ia somoio akenggipa cha-an nambatsranggipa ong•enga.

“Assam-ni cha-ko, mongsongbate May aro June jarangni gisepo akgipa chako nambatsranggipa aro ru•ute baibatgipa ong•anina namen mingsinga. Uko ringo ringtoanina aro chani bimangkoba nitoatanina gamchate ra•a” ine cha karkanani expert aganaha.

Gnigipa changna akgipa cha-an, skanggipa changna akgipa cha-na bate chi•batgipa aro nambatgipa ong•a.

June 11 tariko, kilogram prako gong 1506 damo palatna man•ani sal 8-ni ja•mano, Budhbar salni bako Kolkata CTC auction ba dam bate bregiparangna palanio kilogram prako gong 1552 mangona damrang tang•doaha aro ian CTC-o sokdoronggijagipa dam ong•a ine nikna man•aha.

Indake, gnigipa record-ko pe•aniara, BOPSM (Broken Orange Pekoe Small)-ni ge 15 package-rangko, Assam Tea Brokers Private Ltd.-ni gita Asian Tea Corporation-na palatanian ong•achim aro ian Assam Tea Brokers-ni auction ong•atanio gnigipa antio joljol Hookhmol Tea-o dam tang•doani ong•enga.

Hookhmol ine aganon, ian dam 3 biaprango chong•motan, Dibrugarh jolni Rajgarh, Tengakhat-ni New Kailaashpur Tea Estate aro Mariani-ni Nagajanka Tea Estate-o cha ge•aniko brinaniko miksonga. Ia dam 3 biaprango ge•gimin cha-rangko chimongenba, Dibrugarh-ni Diksam Block karkanao brine Hookhmol-ko ong•ata.

LK Tea Company-ni Director, Bhaskar Hazarika, bang•bate man•ana bate bostuni nambatanian gamchatbata ine aganaha.

Indake, bading chiwalanio, CTC-ni charangko de•mitelanirang bariroroenga aro ian on•kange ge•a gamani aro bostuko tarianio mingsa chu•sokgipaba ong•a ine Assam Tea Brokers Private Limited-ni Director, Nisheeth Bijawat aganaha.

Hookhmol Tea Estate-ni nokgipa, Bhaskar Hazarika, saksa chanchina changgipa aro an•tangna mikkim rasongko ra•bana changgipa entrepreneur ong•a ineba Bijawat agandapaha.

Batanggimin bilsio, 4,70,000 kg mangni cha-rangko Hookhmol Tea Estate tariaha aro ia bilsio uamang, 5 lakh kg mangni gita cha-rangko tarina mangsongskaenga.

Nambatsranggipa cha-ko ong•katatna man•aniara, akgimin cha bijakni bipangni a•selan ong•chongmota. Ia cha-ko ong•katanio bakgni dake sualna man•a, aro uarangara, cha-ni rokkomrang aro an•seng baljokgipa bipangan ong•achim. Indake dingtang dingtang cha-ni bakrangni dingtang dingtang bewalrang gnang jeon, namgipa aro namgijagipa cha-rangko ong•katna ama.

Indake, cha karkanarang pilakande namgipa cha-rangko ong•katatna amja aro uni a•selara, mikka bitchilrang chu•ongjani aro agre ding•dugaanichi, May jao uamangni ritimanirangko champengaona sokata ine Tea Association of India-ni President, Sandeep Singhania aganaha.

Batanggimin bilsio gita, April jaona kingking cha-ko tarianio Assam-o 8% aro West Bengal-o 13% mangni gita komiaha aro ian mikka bitchini komiani aro agre ding•dugaani a•sel ong•enga ine Tea Board of India-ni parakatgimin data-o janapataha.

Na·simang ia video-koba nina man·gen:

Na·simang iakoba poraina man·gen: Autumn session-na skang opposition dilgiparangni kamko Speaker nipilanggen

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub