Shillong, June 20: Pilak political dolni dilgiparang aro seoka man•gipa MLA-rang baksa bakan tom•aniko ong•atenba, Leader of Opposition ba Opposition dolni dilgipa aro Opposition Chief Whip-ni kamrangko sualpiltaiani bidingo chanchirimanggen ine Bristibar salo, Meghalaya Legislative Assembly-ni Speaker Thomas A Sangma parakataha.
Lok Sabha election-o Congress dolni MLA Saleng A Sangma chegipa ong•ahani gimin da•o Gambegre constituency-ni seat bangbang ong•e dongengahachim aro uandaken Assembly-o Congress dolni MLA-rangba sakbriona komiangahachim. Assembly-o da•o Trinamool Congress (TMC)-ni MLA sakbonga dongengani gimin Opposition-o bang•batgipa ong•enga indiba da•o dipet Congress dolni MLA Ronnie V Lyngdoh-sa Opposition dolko dilskaengachim.
A•bachengo Congress aro TMC dolgnian ge 5 seatrang donggenchim ong•oba, opposition-ni dilgipana aro opposition-ni chief Whip-ni kamrangko Congress dolna on•anina sing•doanirangna aganchakengon, Voice of the People’s Party (VVP) dolsa, 2023 bilsio opposition-ni Chief Whip-na Saleng Sangma-ko bimung mingaha aro iani a•selan Congress dolni MLA-sa Opposition dolko dilna gitaba cholko man•aha ine Meghalaya-ni Speaker agantalate on•angaha.
Na·simang ia video-koba nina man·gen:
Na·simang iakoba poraina man·gen: Umiam jolrangko taridapna sorkari acre 300 a•arangko ra•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
