Guwahati, Jan 5: Songbad seanio a·gipi ong·e jakmingimin Jadu Kakati attam 1:30 bajimango Guwahati Medical Collegeo, bilsi 92 gape, rang·sitchotaha. Ua ru·uta salrangna sana-bananiko ra·engachim.
A·gipi kongcham Jadu Kakati 1966 bilsioni Assam Batari-na kam ka·e journalism a·bao napchengaha. Ua Nilachal songbadoba 1968-1974 bilsirango bak-rengsi dongpaaha; Agradoot-na 1989-91 bilsirango kam ka·an baksa Daily Janambhoomi-oba uni jakma dongaha.
Jadu Kakati Assamni Media Trust dolko a·bachengatgiparangoni saksa ong·achim. Uni namgipa kamrangna Republic Day-o Journalism Awardkoba on·aha.
Be·enni biljime saanina uko December 8 tariko Guwahati Medical Collegeona ra·angaha, indiba nampilna man·jae a·gilsakko watangaha. Uko Navagraha-o mangru mangongen, aro dongspa be·en bikapko Media Trust Rupnagar aro Guwahati Press Clubo dongen.
Assamni Chief Minister Himanta Biswa Sarma uni sianina kalime ka·dimeani kattarangko aganaha. Jadu Kakati Assam a·doko jinmana seachi u·i-ma·sianiko on·aniko ra·dogiparangoni saksa ong·a aro uni watanganiko gapatna amgijani ong·a ine Chief Minister aganaha.
Iakoba poraie nina man·gen: Konta 22 ong·angjok, Garo Hillso BSNL internet gri
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
