Tura, Jan 5: Garo Hillsni dam 5 districtangon January 4 tarik attam 4 bajionin BSNL internet namjabeengani a·sel interneto pangchake kam ka·anirango ja·donggaaniko man·enga.
Bristibar attamoni a·bachenge damgni biaprango high optics fiber bakchotako taria matchotjani a·sel inditan ru·ute internet namjaenga ine u·ina man·aha.
Garo Hillso jasani gisepo ian gnigipa changna ru·utbee internet namgijani ong·enga, aro antisa skang mangmang ta·rakbegipa internetni bidingo Chief Minister Conrad K Sangmani rasong chae aganani ja·manon indake ong·ania kra-melijajok ine ji·ja ji·ja agantokaniko knana man·enga.
Indiao internetko mongsong tikatgipani ja·pang, Department of Telecoms, Garo Hillsona internet sokatani ja·dilko January 4 tarikni attam 4 bajimangon bidil man·jaha; aro uan Goalparao sorok apalatenggipao internet salbagipa fiber-ko cho·tongmanani a·sel ine agana.
Damsa biapo chotako tarina tikkelmitingon damgipin biapoba walni 8 bajimango internet salbagipa bidilma nosto ong·taiaha.
Internet bidilma chotgipa gipin biap Jengjal aro Turani gisepo ong·aha. Uano PWDni manderang sorok tariengon internet bidilmakon cho·tongmanaha.
January 15 tariko Turao Meghalaya Games ong·gipaona Indiani President Droupadi Murmu re·baon Jengjalo bilonchake uoni Turaona gari re·bagen. Uni re·bagnina sorok ta·rake tarisoengon internet bidilmade chotangaha.
Da·ororo mamingan internetosa pangchaka. Indake ong·engon sorok tariani giminsan gisik on·e a·ningo mai gamchata gnang ukode simsakani komienga ineba nikna man·a.
Mejal attamonin iako seaona kingkingan BSNL internet gri konta 22 ong·engjok. Interneto pangchake kam ka·anirang Garo Hills gimikon ja·donggaaniko man·beenga.
Iakoba poraie nina man·gen: Mande salpake katani bidingo rakbegipa niamko tarianiko jegala; mande aro bostu salgipa pilak garirangan salgnina soroko ong·katjawa
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
