Shillong, Feb 1: Meghalaya Legislative Assembly-ni session-rangko ong•atanio, Garo, Khasi aro Jaintia ku•sikrangchiba membor-rangna aganna cholko on•na miksongengani gimin da•o changgipin session-ode ku•sikrangko pe•timanio Artificial Intelligence (AI)-ko jakkalna gita sorkari, dingtangmancha u•i-ma•sigipa manderangko okamatenga ine Bristibar salo, Assembly-ni Speaker Thomas A Sangma parakataha.

Sangma-ni aganani gitade, Garo aro Khasi-Jaintia ku•sikrangko membor-rang ma•sigriktokkujaengani gimin ku•sikrangko pe•timanio AI-ko jakkalna gita uamang u•i-ma•sigipa manderangni dakchakaniko nangnikenga.

AI-ko jakkalanio changgipa sapgipa manderang da•o Budget session-ni somoio dongpae, sorkarina ku•pattianirangko on•anggen ineba Assembly Speaker parakataha.

Assembly-o lekka jakkalaniko chu•gimik dontongna gita uamang kamrangko ka•engaha ineba Sangma aganaha.

Budget session-ko ong•atna gita Business Advisory Committee-ni tom•e chanchianggipa kamrangni bidingo talataniko on•angskaengon, Budget session-ko February 16 tarikoni a•bachengate, February 27 tariko matchotatgen aro ia session-o private membor-rangni business ba kamrangna salgittamko aro sorkarini kamrangna salbongako jakkalanggen ine Speaker parakataha.

Sangma-ni aganani gitade, a•dokni budget-ko February 21 tariko mesoke on•anggen.

Iakoba poraie nina man·gen: Budget 2024-25: Tax Rate-rango dingtangani dongjawa: Finance Minister

WATCH:

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub