Tura, Aug 10: September 24, 2014-o soi ka•e, ru•uta bilsirangna chu•sokate on•kugijagipa Agreed Text for Settlement-ni (ATS) bidingo chanchirimanirangko dakna ine A•chik National Volunteer Council (ANVC) aro ANVC-B dolgni bakrime tom•aniko dakaha.
Ia tom•aniko mongsongbate Center Level Monitoring Committtee, kam ka•anirangko jadokprako nipilanirangko dakna nanggen ine ATS-ni Para 12.1-o janapani bidingo agangrikanirangko dakna ine ong•ataha.
Iana skang 2020 bilsio tom•aniko ong•ataha aro unoni dipetde iandakgipa tom•aniko ong•atkuja. Indake mamung ja•kuko de•gija donaniara Accord-o ku•rachakgrikaniko dakgijani ong•a.
Indake ru•uta salrangna mamungkoba dakgijani bidingo Union Home Minister Amit Shah-na chitti sedoaha.
“ATS-ni Para 12.1-o Centre Level Monitoring Committee-ko bilsio changgni tom•anirangko dakgen ine janapahachim. Re•anggipa bilsi dokni gisepo changsaba tom•aniko dakjaha. Da•o changgipino Garo Hills-o tom•aniko dake, Accord-o on•kanggiminko gisik ra•china chinga mol•mola,” ine chittio janapaha.
“A•chikrangni dakbewalrangko rakkiangkuna, A•chikkuko ripingna, aro songni-nokni kam ka•gipa dolrangna fundrangko tikatna kamrangko ka•gen ine ATS-ni Para 1.1-o janapaha. Ia ku•chakanirangko chu•sokatgija donenga aro ta•raken iarangna kam ka•na nangenga. Una agreba, fundrangko namedake sokatank chol aro songrango dingtang dingtang dolrangko bikotanirangkoba Para 7.2 aro 7.3-o janapaha. Da•ona kingkingba mamung kamrangko ka•kujaenga,” ineba chittio janapaha.
“Garo Hills Autonomous District Council-o (GHADC) dingtang dingtang developmental program-rangchi tangka-paisarangko on•ne dakchakchina Para 7.5-o janapaha. Iako chu•okatkuja, uandake Council-o da•o tangka-paisani bidingo neng•nikanirangko man•enga,” ine chittio janapangkuaha.
Iarangna agreba, grassroots governance-na dakchakna bilsi bongao changsa tangka-paisarangko on•ne dakchakgen ine Para 9.3-o janapaha. Ia ku•chakanikoba chu•sokatkuja, uandaken songo-noko kam ka•anirangkoba bilakbatatna man•kuja.
Garo Accord-ara tom•tomani, bil gnangatani aro sorkariko rikaniko nambatatna ine tik ka•gimin ong•a. Iarangko chu•sokatgijaniara soi ka•e ra•giparangko togia baksana A•chik manderangni seokna jakgitelani aro mikkangchi Meghalaya-o a•brini jatrangni sason ka•anio ka•donganirangko komiata ineba chittio janapangaha.
Na·simang iakoba nina man·gen:
Na·simang iakoba poraina man·gen:CJI, Itanagar bench-na gital court building-ko nokdonggae on·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
