Shillong, Aug 8: August-ni 15 tariko a•songni jakgitelani salko maniani ja•man Assam aro Meghalaya a•dok damgnini regional committee-rangan, a•dok damgnini gisepo meligrikna man•jaenggipa Langpih jolona re•ange niegen ine Mongolbar salo, West Khasi Hills Regional Committee-ni Chairman aro Meghalaya a•dokni Cabinet Minister Paul Lyngdoh parakataha.
Mongolbar salo, Kamrup District-ni Chairman aro Assam-ni Cabinet Minister Chandramohan Patowary baksa Assam Kamrup a•jani Amingaon-o tom•e chanchirimangani ja•man iako Lyngdoh parakataha.
Assam-ni Minister baksa tom•e chanchirimani bidingo talate on•angengon, a•dok damgnini simarango aro mongsongbate Langpih jolrango meligrikaniko aro tom•tomaniko ra•bapilna gita ia tom•anio dolgni chanchirimaha ine Lyngdoh parakataha.
Assam-ni Cabinet Minister baksa tom•e chanchirimanio Paul Lyngdoh baksana Mawkyrwat-ni MLA Renikton Lyngdoh Tongkhar, Mawshynrut MLA Methodius Dkhar, MLA Remington Gabil aro gipin dilgiparangba dongpae bak ra•angaha.
Iakoba poraie nina man·gen: An•chi on•gilchina didie Delhi-ni social worker saksa km 21,000 ramako re•joma
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
