Shillong, Aug 08: A·dokni lekka-porao nangchape dingtang dingtang neng·nikanirangni bidingo agan-golpogrikna gita Shillong-ni Hynniewtrep Youths’ Council- CEC, a·dokni education minister Pa Rakkam A Sangma-ko Mongolbar salo grongangenba, Shillong songjinmao gital State University-ko songchina aro Khasi-Jaintia Hills a·jao Captain Williamson Sangma University-ni Regional Office ba regional campus-ko songe on·skachina dabianirang baksa minister-ni jako chittiko on·angaha.
“2020 bilsini National Education Policy (NEP) ko a·doko ra·gatanio chagrongenggipa neng·nikanirang baksana NEHU-o admission ra·na CUET-ko ra·gatanichi aro seat-rang chu·ongjaengani a·sel chua gadango poraidapna cholko man·anio dingtang dintang neng·nikanirangko a·dokni chatro-chatrirangni chagrongenganiko batanggimin somoirango nikna gita man·ahani gimin, pilak poraigiparang aro chadamberangni namgnina a·dokni skotong Shillong-o an·tangtangni State University-ko a·bachengate on·na gita a·dok sorkari da·onin nanga kamrangko ka·chakatna nangchongmotengaha,” ine HYC-ni general secretary Roy Synrem janapatan baksa, Pro-Vice Chancellor-ni nirokatani ning·o Captain Williamson Sangma State University-ni regional campus-ko Khasi-Jaintia Hills a·jao songe on·ani giminba janapatjolaha.
Lekka-porako songsalo janggi tanggipa pilakan man·na krachongmota ine janapatengon, Synrem, a·doko donggipa dingtang dingtang skie ra·chakramrango admission-rangna tangka gamani fee-rangko skatang ra·engani gimin iani bidingo man·adipet gong·rake niamko ra·gatenba fee ra·anirangko nirokna gita system-ko a·bachengate on·chinaba a·dok sorkario dabiangaha.
Maibakai, NEP-2020 -ko a·doko ra·gatani ong·genchimode, a·dokni college-rangna tangka-paisarang baksa dakchakanirangko on·china aro CUET centre-rangko a·doko songe on·chinaba HYC, a·dok sorkario dabiangjolaha.
Indake ong·engon, Shillong-o ge·gni, Tura-o ge·sa aro Jaintia Hills a·jao ge·sa CUET centre-rangko a·doko songe on·na gita sorkarini chanchienganiko education minister-ni janapatanikoba HYC-ni general secretary Synrem, parakatjolaha.
Iakoba poraie nina man·gen: Manipur-o KPA-ni an·pilanichi BJP sorkarina maming nangchakeani dongja: BJP MLA
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
