Tura, Aug 6: North Garo Hills a·jani Bajengdoba jolrango tourism-ko tang·doatna gita Sonibar salo, Masilenga Fishing Group-ni gita milsi pesusaaniko Bajengdoba-ni Bildeng Wario ong·atangaha aro ia na·tok rim·susaanio, Garo Hills-onisan ong·aigija, Shillong, Assam aro uandakgipa gipin biaprangoniba milsi pena gisik nanggipa manderang re·bae bak ra·angtokaha.

Ia milsi pesusaanio gimik sak 927 manderang bak ra·angaha aro milsi pesusaanio Purakhasia jolo donggipa Chenggapara songoni John Clemister M Marak, kg 3.320 ong·gipa na·tokko man·e, gong lak 5 tangkako boksis dake man·angaha. Uni ja·man gnigipa boksisko, Agia jolo donggipa Bilguri songni Kakim Chalang Sangma, kg 2.170 ong·gipa na·tokko man·e, gong lak 3 tangkako man·angskaaha. Gittamgipao, Mendal songoni Justin R Sangma, kg 2.140 ong·gipa na·tokko man·e, gong lak 1.50 tangkako boksis dake man·angskaaha.

Iana agreba, ia milsi pesusaanio bak ra·giparangoni sak 20 manderangna gong 10,000/- ka·e, sak 15 manderangna gong 15,000/- aro 10 manderangna gong 20,000/- dake consolation prize-rangko on·angaha.

Ia milsi pesusaaniko ong·atani bidingo Masilenga Fishing Group-ni saksa dilgipa Nilkamal D Sangma, Hub News baksa agangrikengon, Bajengdoba jolo Bildeng Wari gita dakgipa biaprangko mingsing minggamatna miksonganio ia milsi pesusaaniko ong·ataha aro chinga ia chu•sokagita nikaha ine parakatenba, milsi pesusaanio bak ra·gipa pilakkon mitteljolangaha.

Iakoba poraie nina man·gen: Rajasimla jolo gimagipa mandeni manggisiko sal 17-ni ja·man man·a; Saobasa uko so·ota ine nokdangni manderang potchipe FIR ka·a

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub