Tura, Aug 4: North Garo Hills a·jani Konchikol Rajasimla jolo gimagipa mandeni manggisiko sal 17-ni ja·man re·anggipa August 1 tarikosa, songni buringo donggipa bol pangsao buduchi gitoko kadingdee dongakosa nikaha ine kobor on·aha.

Koborko on·ani gitade, sianggipa mandeara Goalpara Agia jolo donggipa Bokdo songni Salba K Sangma ong·achim indiba ua Rajasimla Konchikol songoniko jik ra·e ia songon dongengachim.

Ua re·anggipa July 14 tarikonin nokoni gimaahachim indiba uni sigimin manggisiko August-ni 1 tarikosa songni buringoniko man·aha aro iana sianggipa mandeni jik aro ma·drangrang, uko saobasa so·otahakon ine Kharkutta police station-o FIR ka·doangaha.

Sianggipa mandeni jonggipa Saintcrysper K Sangma-ni Hub News-na parakatani gitade, sianggipa Salba K Sangma-ni obite namgijagipa sam ba dikeko ge·e songni nokni gam-jinrangko ra·e katenga ba gimaenga ine songo noko so·sojengjeng ong·engani gimin uni ge·gipa dikerangko bile galna gita songni manderang tik ka·ahachim. Uandaken uamangni miksonga gita uamang Paikan Tukura songni oja ba kobiras saksako songona rimbaaha indiba ia oja ba kobirasara mandeskako tol·e cha·bokgipa aro kakketgijagipa mandesa ong·achim ine sianggipa mandeni jonggipa parakataha.

Songona ia ojani re·baako kobor man·soon, Konchikol songni sordar, sianggipa Salba Sangma-ko tom·e chanchirimna gita okamataha maina ua songo secretary-ni kamkoba ka·engachim indiba ua tom·aniona re·angjaha ine sianggipa mandeni jonggipa parakataha.

Ua somoionin sianggipa Salba Sangma, nokoni gimaangaha aro nokona sokangpiljaengani gimin uni jikgipa una phone ka·e sing·atora, changsamangmang ua ‘Anga ianonba’ ina aganchakataha aro uni ja·mande una call ka·oba man·taijaha ine sianggipa mandeni jonggipa parakataha.

Indake ong·engon, ia mandeni gimaangani ja·man sianggipa mandeni jik aro ma·drangrang, Kharkutta police station-o missing report-ko on·ahachim indiba police-rang, ia mandeko sandina gita gisiko nange kam ka·jaha aro songni manderangba ia mandena aro uni nokdangna simsakbretokjaha ine sianggipa mandeni jonggipa Saintcrysper matnangataha.

Sianggipa Salba K Sangma, uni pantemiting somoirangonin toromo janggi tangpagipa ong·e, Derek Mondolio choir director-ni kamko ka·gipaba ong·ani gimin ua maming dakeba an·tangko so·ote sina kraja aro iani bidingo uni jikgipa aro Mahari ma·drangrang, uni siani a·selko name am·sandichina gita Kharkutta police station-o FIR-ko ka·aha ineba uni jonggipa parakataha.

Iakoba poraie nina man·gen: KSU aro Forest and Environment-ni official-rang, Mahadev Khola-ona re·ange nirokeaniko dakanga

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub