Imphal, Aug 6: Manipur a·doko songpanggipa Meitei aro Kuki-Zo jatgnini gisepo kajia-golmal ong·anichi so·so-jengjeng ong·enggipa a·doko mija Sonibar salo slai aro mortar-rangchi gogrikanganio komibeoba sakdok manderang sitaiaha aro sak 16 gipinrang jokkom ong·aha ine koborna parakataha.

Jatni gisepo da·odipet namjabatranggipa kajia-golmal ong·enggipao, jatsa-jatgipinni manderangko so·otgrikna ku·chinge manderang bilakgipa silchidarerangko jakkale chadrapanirangko nikna gita man·enga aro gital dake chadraptaianio, adita salrangna skang, Bishnupur district-ni Narenseina-o donggipa 2nd India Reserve Battalion HQ-ni silchidarerangko donram biaponiko ra·e katgipa automatic aro semi-automatic slairang aro mortar-rangko jakkalesa dolgnini gisepo gogrikanirang ong·aha ine chel·chakgipa dolrang chanchipe parakataha.

So·ota man·giparangoni, bilsi 67-ong·gipa Yumnam Pishak Meitei aro uni depante bilsi 39 -ong·gipa Yumnam Premkumar Meitei baksana uamangni noksul saksa bilsi 46-ong·gipa Yumnam Jiten Meitei, iamang sakgittaman relief camp-rangosa katnape dongtokengachim, indiba kajia-golmal a·bachengmitingo manderangni songko-nokko wate kattokani ja·man galchipako man·enggipa songtangko nitimna gita mija Sukrobar salo noktangchina pil·angani ja·manosa uamang ia obostako chagrongskaaha. Ia apsan salon joljol Bishnupur-ni Terakhongsangbi songko chadrapanioba, saksa so·ota man·aha aro saksa police commando-ko man·chape sakgittam gipinrangba gulli nangeming bilongbee jokkkom ong·tokaha ineba koboroniko knasona gita man·aha.

Iakoba poraie nina man·gen: Manipur-o tom·tomaniko man·pilchina didie Shillong-ni Catholic-rang jinma re·joma

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub