Agartala, Dec 4: Bengali jatni dakbewalrangko ripinge rakkianio bilake kamko ka·enggipa Bangla Sanskriti Boloy, Bangladesh a·songo Baul aro Mystic singer-rangko chadrapanina aro Baul jatni dilgipa Abul Sarkar-ko rim·anina, Agartala-o jegalgrimangaha.
Ia jegalaniko, Rabindra Shatabarshiki Bhavan-o donggipa Rabindra-ni mangkrong mikkango, sak 600 mangni gita ki·tap segiparang, artist aro jatna dakgrikna gisik nanggiparang, tom·baenba jegalgrimaniko dakangaha.
Indake, Sheikh Hasina-ni chalaigipa sorkari be·gruani ja·man, Chief Advisor Muhammad Yunus-ni jako ra·e kam ka·ani ja·man Bangladesh a·songo bang·pagija songdongenggipa jatrangko bilongen mikchepenga ine gisim ribbon-ko ganne jinma jingjengataha.
Abul Sarkar-ko rim·ani aro Muslimrangko ka·saninggija doka satanirangan a·songni tom·tomaniko nosto ong·atanina kenchakani ong·enga ineba uamang janapataha.
Indake jingjengatenggipa dolrang, Bangladesh a·songni President-ni rim·chim mol·molangaha aro apsankon India-ni External Affairs Minister aro Tripura-ni Skotong Minister-naba sedoataha.
Ia jingjengatanio bak ra·gipa sakantian, Abul Sarkar-ko watpilchina dabie chatrirangko, Agartala Head Post Office gita Bangladesh Assistant High Commission-na watataha.
Na·simang iakoba nina man·gen:
Na·simang iakoba poraina man·gen: St. Xaviers Higher Secondary School-ni Platinum Jubilee Souvenir-ko CM opraka
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
