Guwahati, June 19: Bilsi 24 ong·gipa Bangladeshi me·chik saksako, tol·e tarigipa lekka pancharangko jakkale India a·songo songdonganina aro kamko ka·anina Guwahati-ni Lokpriya Gopinath Bordoloi International Airport (LGBI)-o re·anggipa June jani 16 tariko rim·aha.
Police-rangni aganani gitade, rim·a man·gipa me·chikara Bengaluru-oni Assam-ona uni mikchagipako grongna re·baaha. U·iatani gitade, Airport-ni naljokatgipa official-rang uni chanchichipna kragipa bewalrangko nikenba uko rim·aha aro sing·sandianiko dakon ua Bangladesh-oni ong·a ine ku·rachakaha.
Adita sing·sandianirangko dakangon, ua 2024 bilsio Tripura-o donggipa India-Bangladesh sima ari gita Agartala-o donggipa mandeni dakchakanichi niamgri India-ona napsrukbaaha ine parakataha.
Ua, West Bengal-ni South Dinajpur a·jani Pooja Das-ni bimungo Aadhar card-ko, India a·songo songdongna, songre songgabatna aro kam ka·na jakkalengachim ine police-rang u·ina man·aha.
Sing·sandianirangko dakangkuna gita rim·a man·gipa me·chikko ja·mano Assam Police-ni Border Branch-na pakwatataha. Police-rang, lekka pancharangko tol·e tarie on·gipa aro India a·songona niamgri napbana dakchakgipa dolrangko rim·na gita am·sandianirangko dakenga.
Na·simang iakoba nina man·gen:
Na·simang iakoba poraina man·gen: Captain Williamson Sangma State University-o health camp-cum awareness program-ko ong·ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
