Tura, June 19: Sukrobar salo, West Garo Hills-ni Department of Health & Family Welfare-ni ning·o National AYUSH Mission-ni gita, 2026 bilsini International Day of Yoga-ko Tura, Hawakhana-o donggipa District Indoor Sports Hall-o maniangaha, jeon Dakopgre-ni Kendra Vidyalaya aro Rongkon School of Nursing-ni chatro chatrirang aro skigiparangko man·chape sak 150 mang manderang dongpae bak ra·angpaaha.
Ia bilsina donsogimin pangchakani katta bichongara “Yoga for Healthy Ageing” ong·a, jean bilsi re·angroroani gisepon be·en bimang aro gisikni gita an·seng baljokaniko rakkina gita Yoga ba be·enko ranta ka·na nangchongmotaniko mesokangaha.
Tura Civil Hospital-ni Yoga and Naturopathy Physician Dr. Sambu Aryal, Ministry of AYUSH-ni yoga day-na manchisogimin be·enni ranta ka·anirang baksana Tadasana, Vrksasana, Makarasana aro Savasana-ko man·chape dingtang dingtang Yoga kal·aniko mesoke on·angaha.
District Maternity and Child Hospital-ni Homeopathy Physician, Dr. Balchi D. Momin, West Garo Hills-o songdongenggipa manderangni an·seng baljokanina Ayurveda, Yoga aro Homeopathy da·oba mongsonggipa on·gilanirangko dakkuenga ine aganangaha.
Yoga kal·aniara gisikni so·so jengjeng ong·aniko komiatna, batrikrikna man·gijagipa sabisirangko champengna aro chatro chatrirangni an·seng baljokani, gisiko nangatani aro gisikni gita mikrake donganiko namdapatna dakchaka ine ua u·iatangkuaha.
Ia tom·bimongniko ong·atanio, Sports and Education Department-ni Ejaz Uddin, Tura Civil Hospital-ni Ayurvedic Doctor Dr. Aleathea Angela Rynjah, West Garo Hills-ni Sub-Divisional Medical Health Officer Dr. Sillang R. Sangma aro District Nodal Officer (AYUSH) Dr. Laksmi B. Sangma-ba dongpae bak ra·angaha.
Na·simang iakoba nina man·gen:
Na·simang iakoba poraina man·gen: Bangladeshi me·chik saksako tol·e tarigipa lekka pancharangko jakkalanina Guwahati Airport-oniko rim·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
