Shillong, Oct 21: Covid sajinmako warachakna kamko ka·anio gimik sal 276-rango India a·song gimiko sajinmani tikako donsogimin nisan gita kror 100 gape su·angna man·ahani gimin ia chu·sokaniko dal·e ra·ani gita Bank of Baroda, Shillong-o donggipa North Eastern Indira Gandhi Regional Institute of Health and Medical Sciences (NEIGRIHMS)na ambulance bolsako Bristibar salo on·gilangaha. Apsan somoion, hospital ning·ao gital songgipa ATM machine-koba bank-ni gita oprake on·angjolaha.

Bank of Baroda-ni North East Circle-ni Deputy General Manager, Sonam Bhutia-chi ambulance garini chabiko (NEIGRIHMS)ni Director, Dr Nalin Mehta-ni jako pawate on·angaha.Ua somoio Sonam Bhutia-ni kobor ra·timgiparangna agananganio, sajinmani tikako donsogimin nisan gita kror 100 gape su·angna man·anio hospital-ko niroke chalienggipani aroba sana-banani a·bao kamko ka·enggiprangni rake kam ka·anina aroba bakrimaniko on·anina mittelpilskae aganenba, sabisiko an·pachake kamko ka·gipa pilakni bimchipani a·sel da·alo donsogimin nisan gita sajinmani tikako an·chingni a·songo chu·soke su·angna man·aniara namen rasong gnangbeani katta ong·a ine parakataha.