38.5 C
Tura
spot_img

B’desh-o NE-ni bobil dolrang ma•chakenga ine agananiko BGB jegala

Must read

Shillong, Jan 8: India a•songni salgro salaram a•dokrango bobil dake chakatenggipa dolrang, Bangladesh a•songo ma•chakenga ine agananiko Border Guards Bangladesh (BGB) jegalataha.

Border Security Force (BSF) Meghalaya Frontier-ni Inspector General (IG) Hardeep Singh-ni u•iatani gitade, Bangladesh a•songo salgro salaram jolni bobil dolrang a•tip dakenga ine da•o dipet uamang kobor man•soa dongkuja.

BSF IG-ni parakatani gitade, Bangladesh a•songo da•o dipet bobil dake chakatgipa dolrangni a•tiprang dongja ine Border Guards Bangladesh (BGB), BSF-ni official-rangna u•iatskaahachim.

Meghalaya a•doko bobil dake chakatgipa HNLC dolni Bangladesh a•songo a•tip dake dongani bidingoba da•o dipet uamang maming u•iatanirangko man•soa dongja ine Singh parakataha.

Meghalaya a•dokni mande saksako BGB-ni so•ote galgipa aro Bangladesh a•songni mande saksako adita salrangna skang BSF dolni so•otgipa bidingo sing•skaon, Bangladesh a•songni mandeko so•otanio BSF dol jak dongja aro India a•songni mandeko so•otgipani bidingoba BSF, BGB-na u•iatmanaha ine BSF-ni IG parakataha.

“India-ni mande maikai so•otako man•aha, da•o chinga name ma•sina gita sandienga aro anga bebera•a mikkangchide ia sima ari jolrango tom•tomaniko man•anggen,” ine Singh parakataha.

spot_img

More articles

spot_img
-->

Latest article