Williamnagar, March 23: East Garo Hills district-ni songjinma williamnagar-o PWD ba be•enni gita bilgrigipa manderangna special training program-o sign language-ko skie on•aniko ong•atanga. Iako skie on•anio, East Garo Hills aro North Garo Hills-ni skina sapbegipa sak 45 skigiparangba tomanio u•ie ra•na re•batoke bakorangaha.
Tomaniko-ko ong•atanio, ADC (Election) D A Sangma( MCS), Barefoot dolni manderangko rimchaksoaniko dakangaha, jemangan Meghalaya a•dokni pilak a•jarangon skie on•anirangko dakbaengachim.
Una agreba, pilak pu•ona sigiparang baksana polling personal aro polling volunteer-rangna apsangrik skie ra•ani gamchataniko ua agandapangkuaha.
Tomaniko co-ordinator, Sweet Syiemong, program-ko dilangenba, maikai mikron nikgijagipa, nachil knagijagipa aro ku•sik agana man•gijagiparang baksa dingtang dingtang cholrangchi agangolpogrikna man•achim uarangko skie on•an baksana braille aro sign languagerang-ko jakkalani giminba skie on•angjolaha.
“Ia tomani-ni ningo, dingtang dingtang ja•pang kattarang jekai basic sign language, altuae pu•ona man•ani cholrang, braille-ni chinrangko u•iani aro be•enni gita bilgrigiparangna nambate dakchakanirangko on•ani giminrangkoba man•chapa ine aganenba, ia re•baenggipa election-o uamang antangtangni chu•gimik bilko jakkalna man•a gita pu•onani somoio PWD-ni manderangko nirok simsakgiparang uamangko name dakchakna aro uamang baksa nengrae agangolpogrikna man•a gita dakchakani onggen,” ine Hub News-ni manderangna Sweet Syiemong parakataha.
Na·simang iakoba poraina man·gen: District TB Control Society, NTEP aro East Garo Hills World TB Day-ko mania
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
