Shillong, Feb 26: A·doko bijoliko tikatanio nambate aro chotchangatgija dakangkuna man·na gita miksonge, Meghalaya Power Policy, 2024-ko Sombar salo Cabineto ra·chakaha.
Gitcham policyo donggijagiparangko ia gital policyo napataha. Uandakgiparangoni mingsara Pumped Storage Hydropower ong·a.
Solar energy-ko jakkalani bidingoba nangani kri ong·anirangko gital dake niamrangko tik ka·e donaha.
Gitalgipa projectrangko jako ra·na gita a·doko kam ka·ena man·gen ine Power Minister Abu Taher Mondal parakate didiaha. Uni aganani gitade, pilak rokomni power sectorrangkon gital policyo napataha.
Pumped Storage Project-de power sector-o gitalgipa dake niani ong·enga, uni giminan uko ia gital policyo napataha ine Power Minister aganaha.
“Uko ong·atna man·gen ma man·jawa niroke chinga ku·mongrimaniona sokbaaha. Uko ong·atna man·jaode ia policyko ra·gatani ortoan dongjawa. Badiaba chibisik jolrango pumped storage projectko dakna man·gen ine nikesa iako policyo napataha” ine ua aganaha.
Na·simang iakoba poraie nina man·gen:Skulo ra·gipa ki·taprangko dam rakbate palengani gimin KSU matnanga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
