25 C
Tura

Bijoli nosto ong•a donggenchimode ta•raken u•iatchina Power Minister didiata

Must read

Shillong, Feb 26: Da•ororo bijolirangni a•sel nok wa•al kamanirang batroroengani gimin noktangtango bijoli nosto ong•a donggenchimode ta•raken MeECL-na u•iatchina gita Sombar salo, a•dokni Power Minister AT Mondal, a•doko songdongenggipa manderangko didiataha.

Shillong songjinmao bolchi rikgipa Shillong Bar Association-ni gitcham nokko Sonibar walo, bijoli nosto ong•ani a•sel wa•al kamahachim ine nikna man•a.

Ia a•selni bidingo an•tangni suk ong•gijaniko parakatengon, nokantiona re•ede uni department, bijolirangko nirok sandina man•jawa, uni gimin bijoli jakkalenggipa manderang an•tangtangan, bijoli nosto ong•a donggenchimode simsakna nanga aro ta•raken MeECL-na u•iatna nanga ine Mondal didiataha.

Shillong songjinmao bolchi rikgipa gitcham nokrangna on•enggipa bijolirangko uni department, audit ka•na miksongenga indiba ian MeECL-na kam bang•dapatani gitasa ong•aigen ineba Mondal aganaha.

Maram cha•gimin bijoli krongrangni gimin aro dingtang dingtang biaprango bijoli silitingrangni dingone dongenggipani gimin sing•on, iandakgipa krongrangni gimin badi ka•anirangko man•genchimode MeECL, ta•raken bodolna kamko ka•gen ine Power Minister parakataha.

Na·simang iakoba poraie nina man·gen: CM-Elevate-ni ning•o king 30,000 dorgasto-rangko sorkari man•soa: Conrad

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter-twitter.com/nemediahub

Youtube channel- www.youtube.com/@NortheastMediaHub2020

More articles

-->
-->

Latest article